Koroonah Vayres Leh Tan Baaxooxak Temete 465 Yakke Mara Kattat Keenih Abak Geytiman – Qaafiyat Malak
Addis Ababa, Caxah-Alsak 9, 2012 ILL (FBC) Boole Qalam Tayyaarah Booxal 125 Alfi 850 Yakke Mari Linqal Ken Baxisaanam Qaafiyat Malak Qaddoose.
Qaafiyat Malak, Koroonah Vayres Wagsiisakik Wakti Caalat Wagsiisak Maybalaalaqa Yece. Tama Maybalaalaqal 3 Alfi 538 Koroonah Vayres Leh Tan Baaxooxak Yemeeta Mara Kinnim Yiysixxigen.
Away 465 Yakke Mari Elle Yanin Aracal Kattat Keenih Abak Geytimaanam Ascassuk, Aham Fanah Itiyoppiyal Koroonah Vayres Magiytiminna Axcuk Qaddoosen.
Agda-Baxissoh Alsak 15 Sanat 2012 ILL Xabba Haanam 51 Dereemi Yanih Axcuk, Itiyoppiyak Ayyunti Qaafiyatih Inistitiyutuk Garci Qawwalaylah Raddih Koobahissoh Fanteenah Xayyowteh Sugtem Kassisaak, A caagiida Inkih Kusaaqisaanam Duudeenim Yiysixxigen.
Yekkeh Yan Kusaaqal 16 Yakke Mari tama Biyaakih Asta Keenil Yumbelleh Sugem Takkay Ikkah, Chaynah Safarih Caagiidil Tu Aydaadi Keenil Geytime Waytem Kassiisak, Baxissa Heenih Fantrenal Ken Abbaxuk Sugeenim Qaddoosen.
Yekkeh Yan Labaratoori Fokkaaqol, Tama Vayresik Curri Yekkenimik Ugut Abak Ayyuntat Akah Yangalen Innah Abeenim Warsen.
Tama Vayres Barisaanam Elle Duudan Gexsit, Koroonah Vayresih Kalaluh Yakke Silac Gandi Hospitaalah Yeceenim Yiysixxigen.
Ossetinah, Yekka Kotobeh Hospital Kee Kidus Pawulos Hospitaal Miliniyem Medikal Kollejih Mihratleelah Koroonah vayres Kalalitaanam Elle Duudan Abni Aydakaakan Abeenim Qaafiyat Malaakak Geyne Oyti Yascasse.