Kanaadak Naharsi Malaakih Buxah Inayta Koroonah Vayres Teetit Geytime
Addis Ababa, Qado Dirri 04, 2012 ILL (FBC) Kanaadak Naharsi Malaakah Yan Jestin Tirudok Buxah Inayta Soofi Tirudo Koroonah Vayresit Tinxibbime.
Naharsi Malaakih Buxah Inayta Londonak Tuduurek Lalakal Arbaaqa Bar Tama Vayresih Asta Teetil Yumbullem Qaddoosen.
Teetih Abeenih Yanin Fokkaaqol Tama Vayres Teetil Geytimem Kee Dibuk Akah Gactannah Abeenih Geytimaanam Warsen.
Naharsi Malaakal Tama Vayresih Asta Kaal Ambulle Waytam Takkay Ikkah Isih Waalih Gacca Iyye Isi Taama Abak Geytimam Yiysixxigen.
Tama Naharsi Malak Tiwiter Galil Elle Qaddoosennal, Yeexegen Wakti Fan Ayyuntak Akah Addeerennah Fayu Yoh Yecen Axcuk Qaddoose.
Away Kanaadal 103 Yakke Mari Tama Vayres Yibbixeh Geytimam Warsan.
Gexsi Kabuk Biraazilil Pirezdanti Jayer Bolsonaro Qokleynah Yan Fabiyo Wajingarten Koroonah Vayres Ka Yibbixeh Geytimam Qaddoosen.
Tama Num Tatre Sabtih Ameerikak Filoridal Ameerikah Pirezdantih Yan Doonald Tirampi Lih Daffeynat Yengelem Qaddoosen.
Koroonah Vayres Dagar Dig Maritte Fanah Tabak Arsenal Aydakaakaniseynah Yan Mika’el Artetta Kah Abeenih Yanin Fokkaaqot Koroonah Vayres Kaal Geytime.
Wohuk Kalah Manchister Siitih Digir Abeynah Yan Bernand Bedih Buxah Marih Tama Biyaakak Gexxaamah Hospital Culeenim Warsen/.
Tama Digir Abeyni Kaaduk Tama Biyaakat Yinxibbimeh Yanim Yasacssen.
Ossetinah Migaaqat Akak Yaabe weenih Yanin 3 Takke Lesiseter Digir Abeynit Koroonah Vayresih Asta Keenil Yumbullem Qaddoosen.
Raceyna:- BBC Kee Aljazeera.