Ji En Bi (GNB) Xiqsitta Teknolojih Egla Itiyoppiyal Taamittaamih Fayri Lem Qaddosse

Addis Abba, caxah-Alsak 16, 2012 ILL (FBC) Daffeyna MAeerikak Kaliforniyal Le Ji En Bi (GNB) Xiqsitta Teknolojih Egla Itiyoppiyal Murtitte Fayya Haytam Dudda Teknolojil Taamittaamih Fayri Lem Qaddosse.

Tama Eglah Pirezdanti Ken Harisen Kee Itiyoppiyak Innoveshin Kee Tekinoloji Malaakih Deetah Yan Gifta Jamal Beker Lih Walal Gexse.

Tama Walalal Innoveshin Kee Teknoloji Malaakih Deetah Yan Gifta Jemal, Itiyoppiya Teknolojit Antiffiqimuk Tamruteh Tan Murtitteh Middat Dacrisak Tonnah Baad Qadaagal Qalaltam Elle Dudda Anaggoyya Ta Egla Ken Akah Qokoltannah Essero Xayyoose.

Baxsa Luk Buqre Murtitte Elle Missoosan Teknolojittet Yantiffiqimeenim Elle Duudan Siirat Ta Egla Cato Keenih Akah Abtannah Essere.

Tama Eglah Pirezdantih Yan Ken Harisen Is Le Katuk Iyyeemih, A Egla Maaqidda Kee Maqab Cagiida Elle Bicsan Innay, Dayli Alaatitte, Merrayti Ludda Kee Hawa Kusaaqih Alaatitteh Luddal Taamittaamih Fayri Lem Yiysixxige.

A Egla, Maaqidda Kee Maqab Bicih Ludda, Dayli Alaatitte Bica, Merrayti Ludda, Hawa Kusaaqih Alaatitteh Murtisso Kee Koraan Tatrussa Alaatitteh Murtit Taamitak Getytimta Egla Kinnim Innoveshin Kee Teknoloji Malaakak Geyne Oyti Yascasse.