Itiyoppiyal Taturte 24 Saaqatih Addat Koroonah Vayresik Gexxaamah 3 Num Rabem Kee 109 Yakke Marat Geytimu Duude.
Addis Ababa, Laqinik 23, 2012 ILL (FBC) Itiyoppiyal Taturte 24 Saaqatih Addat Koroonah Vayresit 3 Numuih Qawwaddi Edde Yewqem Qaafiyat Malak Qaddoose.
24 Saaqatih Addat 2 Alfi 836 Laboratoori Fokkaaqo Abak 109 Numul Koroonah Vayres Geytime.
Tahak Ugut Abak Amolladih Itiyoppiyah Caddol Koroonah Vayresit Yibbixsime Marih Qadad 1 Alfi 172 Gufe.
Tama Vayres Edde Geytime Mari Inkih Itiyoppiyah Xaylo Kinnuuk, 99 Num Addis Ababa, 2 Num Tigray Rakaakaya, 5 Yakke Mari Oroomiyah Rakaakayay, 3 Num Hararih Rakaakayay Kinnim Warsen.
Tama Dalkak Qaffoote Marih Qadad 109 Gufeh Geytima.
Koroonah Vayresiik Gexxaamah 3 Numih Qawwaddi Edde Yewqem Kassiisaak, Qimboh Barra 29 Karmat Sugte Tigray Rakaakayak Setit Cumaral Guubuh Sugte.
2haytoh Kaaduk Addis Ababah Magaalal Guubuh Sugte 75 Karmat Sugte Barra Kinnuuk, 3hele Num Kaaduk 55 Karmat Suge Gabbi Rakaakayak Kafa Rasul Guubuh Sugeh Iyyay (A Xayi Udduurih Addat Addis Ababah Magaala Fanah Yemeeteh Iyya) Kinnim Qaddoosen.
Tahak Ugut Abak Itiyoppiyal Koroonah Vayresik Gexxaamah Rabeh Yan Marih Qadad 11 Gufeh Geytima.
Qimbo Namma Sayyo Hospital Addal Dayli Kattaatu Abak Sugeenim Kee 3hele Num Rabe Sugem Kassiisaak Ossetina Fokkaaqoh Lafa Hospitaala Fanah Baaheenih Yaniinim Warsen.