Itiyoppiyal Ossetinah 3 Numul Koroonah Vayres Geytime
Addis Ababa, Qado Dirri 06, 2012 ILL (FBC) Itiyoppiyal Ossetinah 3 Numul Koroonah Vayres Geytimem *Itiyoppiyak Ayyunti Qaafiyatih Inistityut Qaddosse.
Tama Fanteena Ta Caagiida Wagsiisak Teyyeeqeh Tan Maybalaalaqqal, Qimboh Tama Vayresit Yinxibbimeh Yan Numu Lih Angaaraw Luk Sugteh Akak Iyyen Maritte Baxsaanam Qimmiseenih Sugeenim Warsen.
Tahak Ugut Abak Addis Ababah Magaalah Xiinisso Kee Oromiyah Rakaakayak Qaafiyat Biiro Lih Gacak Qimbo Numu Lih Angaaraw Luk Sugteh Akak Iyyen 117 Yakke Mari Kattaatu Keenih Abak Geytimaanam Yiysixxigen.
Ahak Ossetinah Ta Vayres Baxisaanam Elle Duudan Fokkaaqo Aboonuh Tama Marak Qabli Xaqmtu Beyeenih Yaniinim Warsen.
Tama Qimbo Numu Lih Angaaraw Luk Sugeh Ak Iyyen Marittek Abeenih Yanin Fokkaaqol 3 Numul Koroonah Vayres Geytimem Qaddoosen.
Tama Marih Fanak 44 Tonnah 47 Karmat Geytimta 2 Num Jappan Xaylo Kinnoonum Kee Gexsi 1 Numu 42 Karmat Geytimah Iyya Kaaduk Itiyoppiyah Num Kinnim Yiysixxigen.
Tama Mari Inkih Addis Ababah Magaalal Taamitak Suge Mara Kinnim Kee Ta Vayres Qimboh Addah Yibbixeh Yan Numu Lih Angaaraw Luk Suge Mara Kinnim Tama Oyti Yascasse.
Awayi Saaqatal Qimbo Num Meqe Qaafiyatat Geytimam Kee Baxissa Heenih Yabbixen Iraawo Fanteenal Xayli Kattaatu Kaah Abak Geytimaanam Qaddoosen.