Itiyoppiyal Ossetinah 169 Numul Koroonah Vayres Keenil Geytimak 1 Numih Qawwaddi Yewqe

Addis Ababa, Laqinik 28, 2012 ILL (FBC) Taturteh Tan 24 Saaqatih Addat 5 Alfi 798 Takke Laboratoori Fokkaaqol 169 Yakke Maral Koroonah Vayres Geytime.

Tama Vayres Edde Geytime Mari 1 Karmaak Ila 78 Karma Fan Yan Mara Kinnuuk, 111 Labhaay Tonnah 58 Sayyo Kinni.

Tamakkeh Fanak 168 Num Itiyoppiyah Xaylo Kinnuuk, 1 Num Ameerah Baaxo Baxiinu Le Num Kinnim Warsen.

Koroonah Vayres Edde Geytime Marih Fanak 138 Addis Ababa, 4 Tigray Rakaakayaay, 4 Gabbi Rakaakayaay, 11 Oroomiyah Rakaakayaay, 6 Amaara Rakaakayaay, 1 Num Hararih Rakaakayaay, Tonnah 5 Somaalih Rakaakay Kinnim Qaddoosen.

Tatre 24 Saaqatih Addat 35 Karmat Geytimta Say Num Koroonah Vayresiik Gexxaamah Rabteh Tam Yiysixxigen.

Ahak Ugut Abak Itiyoppiyah Caddol Koroonah Vayresik Gexxaamah Rabeh Yan Marih Qadad 19 Gufeh Geytima.

Tama Vayresiik Gexxaamah Rabteh Tan Sihadaytoh Lafa Hospitaalal Teetik Aben Fokkaaqol Koroonah Vayres Teetil Geytimu Duude.

Kalah Taturteh Tan 24 Saaqatih Addat 12 Num Koroonah Vayresik Qaffooteh Yanim Warsen.

Tamakkeh Fanak 10 Yakke Mari Amaara Rakaakay Tonnah 2 Benishangul Gumuz Rakaakayak Kinnim Yiysixxigen.

Ahak Ugut Abak Koroonah Vayresik Qaffoote Marih Qadad 262 Gufe.

18 Yakke Mari Ummannah Geytimam Yiysixxigen.