Itiyoppiyal Koroonah Vayresit Yibbixsime Marih Qadad 44 Gufe

Addis Ababa, Qado Dirri 28, 2012 ILL (FBC) Itiyoppiyal Taturteh Tan 24 Saaqatih Addat Abeenih Yanin Laboratoori Fokkaaqol 164 Numuk Abak Tamakkeh Fanak 1 Numul Koroonah Vayres Geytimem Qaddoosen.

24 Saaqatih Addar Aben Fokkaaqol 26 Num Ta Vayres Yibbixeh Yan Mara Lih Angaaraw Luk Suge Mara Kinnuuk, Abeenih Yanin Dereemuk Ugut Abak Fokkaqo Keenik Abeenim Warsen.

Asaaku Tama Vayresit Tibbixsimem 65 Karmat Geytimta Say Num Kinnuuk Itiyoppiyah Baxa Kinnim Kee Dukem Magaalal Guubuh Sugtem Qaafiyat Malaakah Tan Dr. Liya Taddese Qaddosse.

Tama Sihadayto Gexsi Biyaakih Daylah Qaafiyat Fanteena Elle Gexxekkel Koroonah Vayresih Asta Tuybulleemik Ugut Abak Teetik Abeenih Yanin Fokkaaqol Teetil Geytimu Duudem Yiysixxigen.

Tama Sihadayto Aham Fanah Iro Baaxoh Safar Luk Suge Waytem Kassiisen.

Itiyoppiyal Koroonah Vayresit Yibbixsime Marih Qadad 44 Gufeh Yanim Kee 1 Num Gidbi Caalatih Addat Geytimam Qaddoosen.