Itiyoppiyal Koroonah Vayres Yibbixe Marih Qadad 16 Gufe
Addis Ababa, Qado Dirri 18, 2012 ILL FBC) Itiyoppiyal Koroonah Vayres Yibbixeh Yan Marih Qadad 16 Gufem Itiyoppiyak Ayyunti Qaafiyatih Inistituyut Tiysixxige.
Tama Fanteena KOVID 19 Wagsiisak Maybalaalaqa Tece.
Qado Dirrik 3/2012 ILL Qimboh Addah Koroonah Vayres Yibbixeh Yan Num Ni Baaxol Geytimeek Lakal Koroonah Vayres Yibbixeh Yan Ossetinah 4 Num Geytimeemik Amakkaquk Amolladih Ta Vayres Yibbixeh Yan Marih Qadad 16 Gufeh Geytima.
Biyaakita Marih Addaffakootuh Tu Gacteki
Ta Vayres Yibbixeh Yan 1 Numu 72 Karmat Geytima Morishes Num Kinnuuk, Qado Dirrim 05 Sanat 2012 ILL Kongo Birazavilik Yuduurem Oyti Yascasse.
Qado Dirrik 13 Sanat 2012 ILL Qaafiyat Fanteena Fanah Gexem Kee Tama Qaafiyat Fanteena Kaaduk Itiyoppiyak Ayyunti Qaafiyatih Inistituyutuh Tiysixxige Sugte.
Tohuuk Lakal Kah Abeenih Yanin Fokkaaqol Tama Vayres Kal Geytimem Aaxaguk Deeliyyi Fanteenal Kattat Kah Abak Sugeenim Qaddoosen.
Tama Numu Lih Angaaraw Luk Sugteh Akak Iyyen 6 Yakke Marah Katta Abak Geytimaanam Kassiisen.
2hele Biyaak Elle Geytime Numu 61 Karmat Geytima Adaama Magaalal Guubuh Suge Itiyoppiyah Num Kinni. Tama Num Iro Baaxoh Safar Abeh Suge Waam Takkay Ikkah Afa Baaxok Yemeete Iro Baaxoh Numu Lih Angaaraw Luk Sugem Oyti Yascasse.
Tama Num Qado Dirrim 09 Sanat 2012 ILL Biyaak Astal Is Dereeme Wak Sinaamak Is Deella Heek Lakal Qado Dirri 16, 2012 ILL Qaafiyat Fanteena Fanah Gexak To Fanteena Abteh Tan Ascossal Kah Abeenih Yanin Fokkaqol Tama Vayres Kal Geytimu Duude.
Away Tama Num Deeliyyi Fanteenah Addal Dayli Kattaatu Akah Abak Geytiman.
3helem Kaadu Say Num Kinnuuk, 28 Karmat Geytimta Itiyoppiyah Barra Kinnim Warsen. Is Ahak Afak Qado Dirrik 12 Sanat 2012 ILL Israaelik Tuduureh Tanim Warsen.
Tama Sihadayto Qado Dirrim 16 2012 ILL Itiyoppiyak Ayyunti Qaafiyatih Fanteenal Teetih Aben Fokkaaqol Tama Vayres Teetit Geytime.
Away Tama Sihadaytoh Dayli Kattaatu Teetih Abak Geytimaanam Warsen.
Tama Barra Lih Angaaraw Luk Sugteh Akak Iyyen 7 Yakke Marah Kaaduk Qaafiyat Katta Keenih Abak Geytimaanam Yiysixxigen.
4hele Tama Yibbixeh Yanim Kaaduk 24 Karmat Geytimta Itiyoppiyah Baxa Kinnim Warsen. Tama Sihadayto Afa Baaxoh Safar Abe Waytem Takkay Ikkah, Ta Vayres Yibbixeh Yan Mara Lih Angaaraw Luk Sugtem Qaddoosen.
Tama Sihadaytoh Qado Dirrik 17, 2012 ILL Teetih Abeenih Yanin Fokkaaqol Ta Vayres Teetit Geytimu Duudem Yiysixxigen.
Amolladih Itiyoppiyak Ayyunti Qaafiyatih Fanteenah Katuk Ila 718 Numuk ABeenih Yanin Laboratoori Fokaqo Abeenih Yaniinim Kee 33 Takkem 24 Saaqatih Addat (Qado Dirrik 17 Maacak 1 Saaqataak Ila Qado Dirrik Maacak 1 Saaqatih) Addat Abeenim Warsen.
Ossetinah Oytah Cinda Telefon 8335 Hinnammay 952 Hinnammay Madab Telefonih Nibro 0118276796 Hinnammay Email Guub ephieoc@gmail.com Yantiffiqimeenim Duudumtam Yiysixxigen.