Itiyoppiyal 86 Yakke Marat Koroonah Vayres Geytimeh, 7 Numih Qawwaddi Edde Yewqe

Addis Ababa, Laqinik 30, 2012 ILL (FBC) Taturte 24 Saaqatih Addat 6 Alfi 92 Takke Laboratoori Fokkaaqol 86 Yakke Marat Koroonah Vayres Geytime.

Kalah Kaaduk Koroonah Vayresiik Gexxaamah 7 Numih Qawwaddi Yewqem Qaafiyat Malaakah Tan Dr. Liya Taddese Qaddosse.

Amolladih Itiyoppiyah Caddol Fokkaaqol Koroonah Vayres Edde Geytime Marih Qadad 2 Alfi 20 Gufem Qafaafiyat Malaakah Tan Dr. Liya Taddese Asaaku Teyyeqe Maybalaalaqal Qaddosse.

24 Saaqatih Addat Fokkaaqot Koroonah Vayres Edde Geytime Mari Inkih Itiyoppiyah Xaylo Kinnim Yiysixxigen.

Tama Mari Kaaduk Karmak 7 Ila 87 Karma Fanah Yan Mara Kinnuuk, 51 Labmaraay Tonnah 35 Dayyoy Kinni.

Tama Fokkaaqol Koroonah Vayres Edde Geytime Marih Fanak 66 Addis Ababa, 1 Num Amaara Rakaakayaay, 7 Num Tigray Rakaakaya, 7 Oromiyah Rakaakaya, Ganni Rakaakayak 4 Num Tonnah Dire Dawah Magaalah Xinisok 1 Kinnim Warsen.

Koroonah Vayresit Yibbixsime Marih Fanak 2 Lab Mara tonah Sayyok 4 Yakke Mari Addis Ababak, Tonnah 1 Num Oroomiyah Rakaakayak Tama Dalkaak Gexxamah Edde Rabteh Tanim Yiysixxigen.

Amolladih Koroonah Vayresiik Gexxaamah Rabeh Yan Marih Qadad 27 Gufe.

Gexsi Kabuk Kimal 63 Yakke Mari Tama Dalkaak Qaffooteh Yanim Warsen.

Itiyoppiyal Koroonah Vayresik Qaffote Marih Qadad 344 Gufeh Yanim Yiysixxigen.

Umannah Madaratah Yan Mari 32 Gufeh Geytima.