Itiyoppiyal 28 Takke Afitte Bayti Bohyut Geytimaamat Yaaben
Addis Ababa, Qado Dirri, 2012 ILL (FBC) Itiyoppiyal 28 Takke Afitte Bayti Bohoyut Geytimaamam Qaddoosen.
Naharsi Malaakih Kutbeh Buxal Afitte Poolisih Caagiidil Walal Gexseenim Kee, Tama Gudgudul IFDRik Doolat Madqal Inkih Tan Afitte Inki Gideh Ceelo Akah Geyan Innah Abak Dadalak Geytimtam Yiysixxigen.
Tahak Ugut Abak Away 50 Daga Takke Afitte Inah Afat Akah Bartan Innah Abak Geytimaanam Qaddoosen.
Takkay Ikkah Agat Caddol Afitte Elle Dadalta Siirat Akah Bicse Weenimik Amakkaquk Elle Faxximtannal Xalu Aybulle Waytem Yescessen.
Itiyoppiyal Mango Afitte Tanim Takkay Ikkah Mango Afittet Yantiffiqime Marai Ane Waam Kassiisen.
Galli Maroh Eglak Barittooy, Saynis Kee Qaadah Egla (YUNESKO) Oyti Elle Yascassennal, Away Itiyoppiyal 28 Takke Afitte Bayti Qawwalaylah Addat Geytimtam Yiysixxigen.
Tama Taqabitteh Calli Geysiisoonuh A Xayi Udduurih Addat Afitte Poolisi Faaticiseenim Kee Tama Gudgudul Kaaduk Ta Poolisih Caagiidil Fidin Walal Elle Gexsen.
Afitte Poolisih Gexsit Kee Abbinoosiyyi Caagiidil Qaasa Kee Turiizim Malaakak Gifta Awlachew Shumneka, Addis Ababah Jaamiqatak Dr. Iyob Yiggeze Kee Dr. Tayye Aberra Ugutma Mabla Takke Kutbe Xayyoosen.
Tama Afitte Poolisih Addat Addaffakot Leh Tan Caagiida Addat Lem Kassisaak, Taamah Af, Xaagi Raceynit, Waaneh Indastirittek Afitte Elle Yantiffiqimen Inna, Af Kee Baritto, Saariq Afitte Elle Yantiffiqimen Inna Tonnah Maqnisso Kee Maqnise Caagiidil Tama Poolisil Baar Luk Daffeyteh Tan Ximmooma Kinni.
Ta Poolisil Away Taamat Geytima Amarah Afak Kalah Ossetinah 5 Afitte Taama Af Akah Yakken Innah Abak, Abnisiyyi Caagid Doolat Madqah Maysaasal Ambullelem Yiysixxigen.
Saariq Afitte Waghittaamal, Away Itiyoppiya Elle Abbinossah Tan Siirat Alle Waytaamak Amakkaquk, Mirocti Caddol Kinniimih Afitte Antiffiqimiyye Missah Ane Waam Kassiisen.
A Poolisi Ah Kee Kalah Tan Taqabitte Afxigele Axcuk Qambaalan.
Tama Tu Taaxago Elle Qaddossannal, Ta Poolisi Makaado Tet Aboonuh Agat Caddol Afitte Malah Buxa, Afitti Cubbussoh Fanteena Kee Maqnissoh Fanteenit Xissimtam Faxximtam Yescessen.