Itiyoppiyak Qaran Merraytih Egla Koronah Vayres Kalalittuh Tayyaroril Keemikalat Saytunnoosak Geytimta
Addis Ababa, Caxah-Alsak 03, 2012 ILL (FBC) Itiyoppiyak Qaran Merraytih Egla Koronah Vayres Kalalittuh Tayyara Keemikaalat Saytunnusaanamih Taama Abak Geytimta.
Tama Qaran Merraytih Egla, Koronah Vayres Kalalittuh Abtah Tan Fayya Le Taamak, Naris Cubbussoh Taamak Exxak Teyna, Chaynak Kee Tama Vayres Edde Yumbulleh Akak Iyyen Baaxooxak Tamaate Tayyaara Keemikaalat/Summit Saytunnusaanamih Taama Akkuk Geytimtam Qaddoosen.
Osseyinah Itiyoppiyak Qaran Merrah Egla Koronah Vayresik Kalali Taamah Kalali Taama Akkele Akak Inte Dayli Dayli Alaatitte Baaxo Fan Culuseenim Yiysixxigen.
Itiyoppiyak Qaran Merraytih Egla, Safra Mara Kee Taama Abeynit Baad Caddoh Kibneh Gita Katayak, Koronah Vayresih Dacayri Kee Cubbi Abak Merrah Affaf Chayna Fan Abak Geytimam Ahak Afal Qaddooseenih Sugeenim Tamixxige.
Wo Uddur, Qaran Merraytih Eglak Naharsi Saqalah Yan Gifta Tewelde Gebremariyam, A Caagiida Wagsiisak Fana Brodkasting Korporeetih Elle Qaddoosennal, Baadak Qaran Merraytih Egla Kee Baadak Qaafiyat Egla Daffesseh Tan Kibne Rakiibo Abak Safra Mara Kee Haadayii Affaf Taceh Tan Taama Abeynit Tama Vayresik Kalalitaanamih Taama Akkuk Geytimtam Qaddoose Suge.
Tonnah Koronah Vayres Kalalitoonuh, Itiyoppiya Fan Cultah Tan Maritte Inkih Dagar Liqna Keenik Wagiitaanamih Taama Boolek Qaran Tayyara Booral Abak Geytiman.
Ahak Ossetinah Chaynak Wuhan Magaalak Tamaate Maritte Dibuk Baxissa Heenih Kattat Elle Aban Fanteena Akah Culan Innah Abak Geytiman.
Boolek Baad Tayyaara Booral Chaynak Yamaate Mara Dibuk Affaf Elle Geyta Emegreeshinik Baxsa Le Taakat Bicseenim Kee Kalah Yan Marat Ken Asgalle Kal Dibuk Fokkaaqo Keenik Aban.