Itiyoppiyak Peblik Diplomaasih Buttah Adoytiitih Aydakaakan Acayuk Geytiman

Tama Aydakaakanal, Ta Butta Xissimtem Kee Akke Fanal, Baaxo Yaysixxigeenih Ummatta Kee Ummatta Fanih Angaarawal Mango Taama Abak Yemeeteenimih Taagah Gadda Keenih Gacsen.

A Buttak Qambaslsimta Taam Akah takkennah Annah Tan Aydakaakanitte Faxximtam Yescessen.

Baxsa Luk A Luddal Xer Udduurih Abak Raag Leh Tan Dagorti Kee Mihratleela Loonuh Yanin Ixxiga Akah Tabsan Innah A Aydakaakan Kaxxa Cato Lem Yiysixxigen.

Ta Aydakaakan Itiyoppiyak Diplomaasi Buttak Lafa Lafa Le Afakanitte, Cududuk Tabta Gadditte Kee Naha Yan Asqassaabe Karawwadih Caagid Wagittaamal Baaxo Kataytah Tan Afkanitte, Peblik Dipplomaasih Kinnaane Kee Tuxxiq, Peblik Dipplomaasih Pirotokol Kee Ahat Arawah Tan Ximmol Yacen Aydakaakan Kinnim Warsen.

Itiyoppiyak Peblik Dipploomaasih Butta Baaxoh Caddol Tanih Tan Ayti Gexxo Le Maritte, Siyaasa Missoynaanih Awlaytiiti, Jaamiqat Mihratleela, Cubbusso Fanteenitih Mihratleela, Fannaanitte, Gaddaloola, Diini Abbowti, Fayya Le Doolat Miraacinni, Dipplomaatitte Kee baxaabaxsa Le Ayyunti Exxah Awlaytiit Edde Asgalluk Xiseenim Tamixxige.

Ta Butta Xissimtem Kee Akke Fanal, Masri, Suudan, Jabuuti, Uganda, Tonnah A Xayi Udduurih Addat Eritriya Fanah Gexak Ummatta Kee Ummattah Angaaraw Diggoysak Tonnah Itiyoppiyah Caagiid Yaysixxigeenimih Taama Abak Geytiman.