Itiyoppiya Fanah Yamaate Mari 14 Ayro Baxsa Le Iraawoh Aracal Akah Sugan Innih Dirki Itleenih Qimmisele

Addis Ababa, Qado Dirri 12, 2012 ILL (FBC) Itiyoppiya Fanah Tamaateh Tan Maritte Inkih Abinal Asisaanam Faxaanah Yanin 14 Ayroh Gide Baxissa Heenih Elle Yabbixen Iraawoh Aracal Sugaanamih Dirki Itleenik Xabba Haanam Abinal Asiseloonum Qaafiyat Malak Qaddoose.

Tama Malak Yeyyeqeh Yan Maybalaalaqal Itiyoppiya Fanah Yamaate Faxe Num Eskay Layit Hootel Kee Giyon Hootelil 14 Ayroh Gideh Ken Suguseloonum Yiysixxigen.

Tamakket Sugan Uddur Faxxima Intahj Taniimih Isinni Xiiqeloonum Qaddoosen.

Dippilomatitte Kaaduk Sinni Embaasittel Baxissa Ken Heenih Wokkel Akah Sugan Innah Abeloonum Yiysixxigen.

Tirabsit Safar Leh Tan Maritte Ila Gexsi Safara Fanah Eskay Layit Hootelil Ken Suguseloonum Qaddoosen.

Itiyoppiyak Qaran Merrah Egla 30 Baaxooxa Fanah Abak Sugte Qaran Merrah Affaf Elle Sugah Sooliseenim Ahak Afal Qaddoseeni Sugen.