Itiyoppia Qarab Liig Asqassaabe Karawwad Wagsiisak Masri Qokolak Teyyeeqe Maybalaalaqa Sadde
Addis Ababa, Caxah-Alsak 27, 2012 ILL (FBC) Itiyoppiya Asqassaabe Karawad Wagsiisak Qarab Liig Masri Qokolak Teyyeeqe Maybalaalaqa Sadde.
Qarab Liig Afa Caagiidah Maloktih Caddol Arbaaqah Ayro Gexiseenih Yanin Daffeynal, Nabah Yan Asqassaabe Karawwad Wagsiisak Masri Qokolak Mabla Xayyosse Sugte.
Tama Mabla Kaaduk Ta Liigik Adoytah Tan Suudan Sadde Sugte. Tamakkel A Mabla Itiyoppiya Lih Boodu Fanah Culussam Kassiisaak Oggol Sinni Mabla Kinniik Amakkaquk Tet Migaq Tama Margaqat Akah Angale Wannah Esserak, Tama Mabla Sadde.
Ta Caagid Wagsiisak IFDRik Afa Caagiidah Malak Asaakih Ayro Yeyyeeqen Maybalaalaqal Qarab Liig A Karawwad Wagsiisak Xayyosseh Tan Mabla, Ahak Afal Akkuk Sugte Sittin Gey Walalittek Maftacak Tan Nummak Tan Ximmooma Able Kal Keenik Adoytah Tan Masrih Qokoluh Dibuk Edde Ascabuk Abeenim Qaddosen.
Afa Caagiidah Malak A Caagiidal Suudan Beyteh Tan Maaqattah Gadda Gacsen.
Suudan Doolat Qarab Liig Asqassaabe Karawwadih Caagiidil Ane Wayti Yaabitte Saddak Isi Anay Qadlinol Toysobbem Warsen.
Tama Maybalaalaqal Itiyoppiya Qarab Lig Adoytiitih Tan Baaxooxa Kee Ummatta Fanat Sugte Sittin Nihiritte, Sitta Luk Alliyya Kee Qaada Fantaaxaw Lem Kassiisen.
Qarab Liig Adoytiitih Tan Baaxooxa Inkih Tan Baaxooxah Qadlino Le Mabla Xayyosaanam Faxximtam Yascassen.
Tamaha Lih Taa Liig Fooca Fanah Aamanti Alle Waamih Akkal Edde Haysitaanah, Baad Caddoh Salaam, Saay Kee Sittin Qokol Akah Yaxxeerennah Abta Mabla Kinnim Qaddoosen.
Itiyoppiya Nayil Faacissoh Baaxooxak Tuxxiq Akah Xage Waytannah, Away Kee Fooci Tuxxiq Ascabuk Cubbit Tantiffiqimeemih Ceelo Lem Yiysixxigen.
Tahak Iroh Lee Qadliino Kee Sittin Qokolul Taamitelem Yascassen.
Tama Maybalaalaqal Fooca Fanah Takku Wayta Walalitte Meqe Xalu Geysiiseleemih Kibal Lem Qaddoosa.
A Liigi Karawwad Caagid Wagsiisak Ta Gurral Itiyoppiyal Xukko Abak Dagah Raaqiyyi Mabla Tayballuh Abte Gibbatu Awayi Qasril Qoggol Sinni Mabla Kinnim Yascasse.
Itiyoppiya Sittin Gey Gexso Rakiibo Abak Qimmisseh Tan Lee Kibne Kee Cayli Racisiyyih Taam Soolise Waytam Kee Bisoh Heelem Yiysixxigen.
Tah Kaaduk Sittin Gey Gexsook Ugut Abak, Itiyoppiya Karawwad Xisneh Xaqut Lee Kibiyyi Taama Abtaamih Roksat Lem Qaddoosen.