Inkih Tan Agat Caddol Baritto Buxaaxi Alfimtaamay, Dagar Dig Angagoyyitte Kee Ummatta Elle Mango Daffeynaani Akah Akke Waytannah Margqa Tatrusen

Addis Ababa, Qado Dirri 07, 2012 ILL (FBC) Asaakih Ayrook Xabba Haanam Baritto Buxaaxi, Dagardig Angagoyyitte, Kee Mango Ummatta Edde Tangale Daffeyunaani Agat Caddol 15 Ayroh Gideh Akah Akke Waytannah Naharsi Malak Dr. Abiy Acmad Qaddoose.

Tahat Arawah Anuk Saynis Kee Fayya Le Caddoh Barittoh Malak Jaamiqatitte Gasoh Adda Kee Barteynit Inaqtimah Aroocal Barittoh Qasiirih Takke Alaatitte Interneetil Ken Akah Guftannah Abak Geytimaanam Yescessen.

Faxe Daffeyna Takkeemik Naharat Qaafiyat Malaakih Fayu Kee Kattat Yanim Faxximtam Kassise.

Saabun Kee Alkool Edde Anuk Kalah Tan Saytunaane Edde Dacrisan Alaatitte Baar Luk Fixiixiseloonum Qaddoose.

SAaytunanae Mansafoofi Ummatta Xayih Elle Geytah Tan Baxaabaxsa Le Aroocal Daffesoonuh Mizaaniyyat Akah Yibbixeenih Geytimaanam Yiysixxige.

Tellemmo Kee Industiri Malak Kaaduk Tama Alaatittet Lakqoh Osisiyya Abtah Tan Maritte Tenek Maaqatta Beyelem Qaddoose.

Qaafiyat Malak Kaaduk Idoola Iraawoh Fantenitil Kattat Abelem Qaddooseh Yan Naharsi Malak Dr. Abiy Acmad, Meqem Abitto Taamal Tama Vayresih Kalalih Taamal Tu Cubbus Oytitteh Taama Akkelem Warse.

Merrayti Aroocal Tanih Tan Ceya Yaynukusoonuh Ossetinah Takke Doolat Makaayin Qokol Akah Abatta Abeloonum Kee Mango Makaayin Leh Tan Cankah Eglaalu Edde Asgalleloonum Yiysixxige.

Diini Arooca Ummatta Elle Tankatteh Tan Caagiida Cubbit Abaanam Faxximtam Qaddose.

Agat Caddol Saytunaane Dacayrih Ayyuntah Takkeh Tan Baritto TTatrusaanamih Taama Akkelem Yiysixxige.

Naharsi Malak Elle Qaddosannal, Inkih Tan Ummatta Wariggite Kal Qaafiyat Malaakih Oytitte Akah Geyan Innay, Gaba Saytunaane Meqennah Dacrisaanam Kee Qaafiyat Malaakih Farmo Abinal Asisak, Faxxiime Sinni Angaarawittek Isinni Dacrisaanam Faxximtam Qaddoose.