Inki Num Gexsi Num Dacrisak Koroonah Vayres Kalalitnam Dudna – Naharsi Malaakih Kutbeh Buxa

Addis Ababa, Qado Dirri 10, 2012 ILL (FBC) Naharsi Malaakih Kutbeh Buxa Kulli Num Sittah Ascabuk Koroonah Vayres Kalalitaanam Faxximtam Qaddoose.

Koroonah Vayres Kalalitoonuh Agat Caddol Ayyunti Ixxiga Akah Geyannih Taama Akkuk Geytimtam Yescesen.

Tama Maybalaalaqal Ta Vayres Faxe Baaxo Kee Baaxo Xayloh Dalka Akke Waam Aaxaguk, Sihada Tikka Intem Inkih Tama Vayres Yabbixem Duudam Kassiisen.

Koroonah Vayres Itiyoppiyal Geytimeemik Ugut Abak Addis Ababal Geytimta Iro Baxaoh Xaylot Baxaabaxsa Le Ganaasaqo Tekkeh Axcuk Mango Baaxooxah Embaasitte Edde Yaabak Geytiman.

Tama Maybalaalaqal Ta Vayres Kalalitoonuh Qaafiyat Malak Yayyaqeh Yan Oyta Kee Kalali Farmo Abinal Asisaanam Faxximtam Yescessen.

Takkay Ikkah Koroonah Vayres Nacrurta Sinnaak Iroh Sinam Abam Faxxiime Waytam Kee Sittah Yascubeenim Faxximtam Qaddoosen.

Nanu Baad Caddoh Ayyuntak Exxak Teyna Kinninoomih Taagah Iro Marat Takkeh Tan Gidbaabinitte Sitta Lih Koositnam Nek Faxximta.

Tama Biyaakih Meysiik Gexxaamah Meqe Mariinok Naxxeerem Mafaxximta Axcuk Tama Maybalaalaqal Qaddoosen.