Idlibil Tekke Qaran Maysattakat 33 Turkih Qande Rabteemik Ugut Abak Cane Gacsa Abak Geytimta
Addis Ababa, Caxah-Alsak 22, 2012 ILL (FBC) Turkih Doolat Soriyak Idlib Rakaakayal Bashar Al-Asad Qande Abte Maysattakat 33 Takke Qandeh Adoytit Teetik Rabtem Qaddosse.
Tama Qaskar Qaran Maysattakat Rabtem Tama Baaxoh Doolat Tiysixxige
Tama Maysattakaak Ugut Abak Turkih Doolat Soryah Qandet Cane Gacsa Qimmisseh Geytimta.
Soriyah Reedon Aham Fanah A Caagiidik Iyyeenim Malon.
Idlib Rakaakaya, Turki Qokoltah Tan Sadi Caylittek Kaxxa Arac Kinnim Warsen.
Bashar Al-Asad Doolat Tama Dariifa Isi Gabat Culussuh Sadi Caylittet Qagaaqagitak Maysattaka Abak Geytimta.
Tama Aracal Rusiya Al-Asad Doolat Qokoltam Kee Turki Kaaduk Sadi Caylitte Qokolak Geytimta.
A Xayi Udduraak Annah Rusiya Kee Turki Soriyah Caagiidil Lon Baxsi Keenik Baarimak Geytimam Oyti Yascasse.
Away Tawqeh Tan Oytitte Elle Tascassennal, Turkih Cududih Dariifal Sugteh Tan Soriyak Dabbo Maritte Awroppa Fanah Akah Culan Innah Roksat Teceh Geytimta.
Ahak Afal Awroppah Inkiino Lih Luk sugte Sittin Geyik Ugut Abak Soriyak Tamaate Dabbo Maritte Turkih Doolat Keenih Akah dacrissannah Abeeni Sugeenim Tamixxige.