Hawaasa Kee Bishoftuh Magaalolil Qokol Soolo Akkuk Geytimta

Addis Ababa, Caxah-Alsak 13, 2012 ILL (FBC) Hawaasa Kee Bishoftuh Magaalol Edde Anuk Baxaabaxsa Le Magaloolil Agat Caddol Yan Milaagu Qokolak Soolo Gexisak Geytiman.

Hawaasah Istaadiyomul Gexiseenih Yanin Tama Soolol Mangoh Tan Magaalah Ummatta Eddde Tengele.

Qokol Soolo Naharsi Malak Dr. Abiy Acmad, Inkih Tan Milaagi Miraacinnu Kee Biso Maxco Missoyna Aytikuusoonuh Abeenim Warsen.

Tamahat Arawah Haak Bishoftuh Magaalal Ummatta Qokol Soolo Abte.

Tama Soolot Tengeleh Tan Magaalah Ummatta Dr. Abiy Kee Biso-Maxco Missoynah Lon Qokol Yuybullen.

Qokol Sooloh Aracal, “Bisoh-Maxco Inkih Tan Ummattah, Inkih Biso-Maxcoh, Qayto Oroomoh Qaada Hinna, Qafuutal Bsioh Innay, Inkittinaane Salaam Kee Biso-Maxcoh” Inta Itrol Luk Sugeenim Warsen.

Tama Soolo, Guujih Rasuk Negelleh Magaala Kee Dariifah Ayyunti Naharsi Malak Dr. Abiy Kee Biso-Maxco Missoynah Lon Qokol Qaddoosen.