Gifta Shimellis Abdissa Oroomiyah Rakaakyih Saqal Akkuk Reede

Addis Abab, Caxah-Alsak 11, 2012 ILL (FBC) Gifta Shimellis Abdissa Oromiyah rakaakayih Saqal Akkuk Reede.

Tama Reeda Cheffe Oromiya Gexisak Geytimta Madabiino Koboxol Faaticiseenim Kee Gifta Shimelis Abdissa Tama Aracal Dagana Cule.

Rakaakay Saqal Akkuk Reedeh Yan Gifta Shimellis Abdissa, Gexsi Reeda Cheffe Oromiyah Xayyoosak Geytimama. Tahak Ugut Abak Gifti Chaltu Saani Ciggilta Rakaakay Saqal’a Abak Xayyoose.

Tama Koboxul Ummattak Inkittinaane Akah Diggowtanna Kee Ummatta Taqabi Yafxigeenimih Taama Akkuk Geytimtam Yescessen.

Gifta Shimellis, Abeh Yan Yaabal, Baaxo Xaylo Isinni Baaxo Akah yakcinen Innah Rakaakay Doolat Kulli Caddol Geytimta Xisneenal Taamitelem Qaddoose.

Tamah Lih Baaxo Xaylok Dabbo Caagiida Akah Qagite waytannah Tamitak Sugeenim Kassise.

Qidaddo Caddol Madqa Kee Edde Xintal Buqre Kee Dacarsittoh Xiinah Ayyunta Rakiibo Abak Taama Akkelem Gifta Shimellis Qaddoose.

Ummattak Meqe Angaaraw Akah Diggowtanna Kee Sittat Xayyosaanamih Taama Bisoh Axcelem Yiysixxige.

Gifta Shimellis Abdissa Cheffe Orimiya Qado Dirrih Alsa Sanat 2011 Gexisse Sissik Daffeynal Rakaakayak Ciggiila Saqal Abak Reediseenih Sugeenim Kassitna.

Cheffe Oromiya Gexissa Koboxul, Oroomiyah Rakaakayak Qagunti Madqa Bicih Siirat Faaticisoonuh Yeyyeeqen Kukta Faaticiseenih Geytiman.