Fayya Le Caddoh Baritto Kee Aydakaakan Fanteenitil Koroonah Vayresih Caagiidil Kattat Abta Makaado Xisen

Addis Ababa, Qado Dirri 09, 2012 ILL (FBC) Inkih Tan Fayya Le Caddoh Baritto Kee Aydakaakan Fanteenitil Koroonah Vayresih Caagiida Kusaaqissa Makaado Saynis Kee Teknoloji Malaakih Katuk Xissiimak Taamat Geytimtam Warsen.

Tama Makaado Qado Dirrih Alsak 07, 2012 ILL Xabba Haanam Fayya Le Caddoh Baritto Kee Aydakaakan Fanteenitil Barteynit Baritto Soolisak Cato Keenih Abta Kitooba (Handout), Barittoh Keenih Takke Kitooba, Retta Guub Kee Softkoppit 2 Ayyaamih Gideh Isinnih Akah Yakriyen Innah Xayyoseenih Geytiman.

Jaamiqatittel Barteynit Kulli Wak Gaboobi Akah Kaqlisan Innah Lee Xayyoosiyya Aysiisuk, Edde Kaqalan Saabun Kee Faxximta Alaatitte Xayyosaanamih Taama Tekkeh Tanim Tama Malak Qaddoose.

Ahak Kalah Ta Vayresih Caagiidil Barteynit Ixxiga Akah Tallennah Baxaabaxsa Le Cokdaadil Ixxiga Tabaatabsiyya Abak Geytiman.

Barteynitik Kalah Barseynit Kee Taama Abeynitih Tama Ixxiga Akah Geyan Innah Abak Geytimaanam Warsen.

2 Ayyaamih Addat Karmak 60 Dagah Yan Mari, Lubbi Hinnammay Kanser Lakimaay Tonnah Sokkari Kee Kalah Tan Lakimitte Leh Tan Jaamiqat Barseynit Kee Taama Abeynitih Baxsa Le Hangi Yaceenim Faxximtam Qaddseenim Saynis Kee Fayya Le Barittoh Malaakak Geyne Oyti Yascasse.