Enjiner Qeysha Macammad Galli Maroh Eglak UN Habitatak Naharsi Dayrekter Lih Walalte
Addis Abab, Caxah Alsak 4, 2012 (FBC) Magaala Daddos Kee Konistrakshin Malaakah Tan Enjiner Qeysha Macamad Muusa, Galli Maroh Eglak UN Habitatak Naharsi Dayrekterih Tan Moymuuna Macammad Lih Walalte.
Tama Walalal Magaalol Dadal Kee Milaagu Baahanam Elle Duudan Caagiidal Fidin Luk Mabbolowen.
A Aracal Itiyoppiyal Magaalolil Milaagu Bahtam Dudda 12 Takke Qusba Cuggaysoosa Abinal Asisoonuh Buicat Geytimaanam Enjiner Qeysha Macammad Tama Dayrekterih Qaddosse.
Tabna Sanatih Edde Xinti Ikraarok Beyeenim Kee Magaalolik Rakibok Tan Taqabitte Cali Geysiisele Akak Iyyen Cuggaysoosal Taamitoonuh Doolat Bicat Geytimam Qaddoosak, Magaalol Tabaatabsa Yaysissikeenim Away Qasril Faxximta Caagiida Kinnim Qaddosse.
A Cuggayso Abinal Asisaanam Elle Duudan Afkanitte Wagiita Dagara Lih Walal Gexisak Geytimaanam Qaddosseh Tan Enjiner Qeysha Macammad, UN Habitat A Cuggaysoh Abnissoh Qokol Keenih Akah Abannah Esserte.
Galli Maroh Eglak UN Habitatak Naharsi Dayrekterih Tan Moymuna Macammad is Le Katuk inteemih, Baaxooxa Magaalol Baarisiyya Kee Elle Faxximtannal Miraacisoonuh Hangi Akah Yaceenim Faxximtam Kassisse.
UN Habitat, Itiyoppiya Fiirisseh Tan Cuggaysoh Taamal Cato Abtuh Bicat Geytimtam Qaddosseh Tan Tama Dayrekteri, Itiyoppiya Magaalolil Milaagu Bahtam Elle Dudda Taama Abak Geytimta, A Xayi Udduurih Addat Abte Gufnel Isi Intih Tublem Qaddosse.
Abudaabil Gexisak Geytiman Baadak Magaalol Gudgudul, Afrikah Malokti, Magaalol Caagiidal Walal Akah Aban Innah Kaxxa Saami Keenih Geysiisem Magaala Daddos Kee Konistrakshin Maalakak Geyne Oyti Yascasse.