Doolat Taama Abeynitih Duddi Sumatah Aqayyaare Yaceenim Faxan
Addis Ababa, Caxah-Alsak 9, 2012 ILL (FBC) Yaamte Qado Dirrih Alsaak Xabba Haanam Doolot Xisnel Geytimta Taama Abeynitik Duddi Sumaqtah Aqayyaare Aceloonum Silvil Servis Komishin Yiysixxige.
Sivil Servisik Duddi Sumaqtah Fantrenah Cuggayso Taama Qimmissem, Wagsiisak Mabla Diggoysiyyih Gudgud Adaama Magaalal Gexisak Geytiman.
Ta Komishinik Ciggiila Komishinerih Yan Gifta Birhanu Feyyisa Elle Qaddoosennal, Duddi Sumaqtah Aqayyaare Akah Yantacawwimemi, Milaagi Gexsot Gexxam Dudda Doolat Taama Abeynit Akah Taninna Kee Away Waktil Tanih Tan Ummattah Essero Raddi Yacem Duuda Cayla Ginoonuh Kaxxa Cato Lem Warse.
Awayi Waktil, Ayyunti Fayri Aracat Haak Ruffa Haanam Xiiqime Waytek Kassiiseh Yan Tama Saqala, A Doolat Xisneenah Addat, Faxe Taama Abeynit Tama Duddi Sumaqtah Aqayyaaret Akah Tatran Innah Akkelem Yiysixxige.
Tama Duddi Sumaqtah Aqayyare, 2 Sanat Kee Garab Gideh Sugel Kassiiseh Yan Tama Ciggiila Komishineri, Yaamteh Yan Qado Dirrih Asaak Xabba Haanam, Qusubih Cultah tan Taama Abeynit Edde Anuk Tama Aqayyare Akah Beyan Innah Abeloonum Qaddoose.
Agat Caddol 1 Miliyoon 700 Alfiik Daga Takke Doolat Taama Abeynit Tanim Kassiiseh Yan Gifta Birhanu, Ta Cuggayso, A Luddal Yibbixeenih Yanin Ikraaro Arac Akah Xagtannah Kaxxa Cato Allele Axcuk Naharsi Malaakih Katuk Oggol Geye Caagid Kinnim Qaddoose.
Ta Komishinik Duddi Sumaqtah Cuggaysok Taam Gexsitih Saqalah Yan Gifta Yemane Haylu Is Lakatuk Iyyeemih, Ta Cuggaysok Hadafa, Doolat Affaafih Mattaco Xalu Akah Yallennah Abak, Ummatta Geytah Tan Affaafat Rufto Akah Tallennah ABelem Yiysixxige.
Agat Caddol Away Tanimi, Xer Waktih Edde Antiffiqimuk Nemeete Sivil Servis Affaf Yanim Kassiisak, Baxsa Luk Dudda, Mabla Kee Abtol Caddol Yubleenik Kaxxa Cooci Yanim Qaddoose.
Ta Cuggayso Akah Fiiriseenimi, Away Baaxo Edde Geytimta Caddo TKee Edde Tanih Tan Milaagu Rakiibo Abak Missooseenim Yiysixxige.
Duddi Sumaqtah Aqayyaare, Kulli Sekteritteh Hadaf Rakiibo Abak, Taama Abeynitik Ixxigak Rakiibo Abak, Sivil Servis Jaamiqatih Gubat Gacak, Federal Kee Raakakay Caddol Antawwimelem Kassiise.
Aysaxaaxag Gudgud Adaama Magaalal Qimmiseenih Iyya 2 Ayroh Gideh Sugelem Kee, Tama Gudgudul, Federa, Rakakay Kee Namma Magaalah Xiinissoh Tonnah Jaamiqatitte Kee Kollejitteh Tewqeh Tan Mirocti Kee Mihratleela Edde Angaluk Geytimtam Warsen.