Chayna, Wuhan Rakaakayal Ossetinah 19 Elle Suga Hospitaalitte Xissam Faxxa
Addis Ababa, Caxah-Alsak 14, 2012 ILL (FBC) Koroonah Vayresik Ugutmak Tan Wuhan Magaalal Tama Dalkat Tinxibbime Maritte Daylisaanam Elle Duudan 19 Takke Elle Sugah Hospitaalitte Xisoonuh Ikraaro Loonum Chaynah Qaddosse.
A Elle Suga Hospitaalittek Xisnek Gaba Kalan Wak Ila 30 Alfih Kaqaada Yabbixeemih Xiqto Allelem Warsen.
Wuhan Rakaakayal Aham Fanah 13 Alfi 348 Kaqaada Le 13 Arooca Elle Suga Hospitaalitte Fanah Korseenim Kee Tamakkeh Fanak 9 Alfi 313 Kaqaada Dago Lakima Leh Tan Maritte Edde Daylisoonuh Bicseenim Qaddoosen.
Ta Elle Sugah Hospiyaalitte Dayli Dudda Keenik Yaysiisoonuh Kulli Hospital Siiti Skaner, Daylima Marak Lubbi Caagid Kee Lubbik Baxaabaxsa Le Taqabitte Edde Yaaxigen Silaacitte Keenih Xayyooseloonum Yiysixxigen.
Tama Dalkaak Gexxamah Magaalah Addal Kaqaada Dagiinah Calli Geysiisoonuh, Inki Fabrika Edde Anuk, Jimnastik, Gaaboynah Handag Kee Egzibishin Fanteenit Elle Sugah Hospitaalitte Fanah Koriseenih Geytimaamat Yaaben.
Ta Qunxa Hospitaalitteh Fanak Kamissi Ayro Xisnek Gaba Akak Kalen Rihani Hospitaalal 3 Alfi 690 Kaqaata Lem Qaddoosen.
54 Alfih Meetirih Fidinaane Leh Akak Iyyen Hospitaala, Niqna Edde Xabbocossa Alaatitte, naah, Edde Kaqalan Qarwa, Tangagayye Duulitte/Daaco Buxaaxi, Kitooba Qari, Filmi Elle Wagiitan Arac, Makaahi Kee Waaneh Arooca Leh Yanim Yiysixxigen.
Biyaakita Mara Daylisaanam Kee Tama Vayresih Baarimiyya Solisoonuh Chaynak Baxaabaxsa Le Rakaakayittek 72 Takke Dakaatirwa Butta Tama Hospitaalitte Fanah Gexxem Warsan.
Inkih Tan Chaynah Baaxoh Caddol Amolladih 32 Alfi 572 Takke Qaafiyat Mihratleela A Biyakat Tinxibbime Maritte Daylisoonuh Tama Araca Fanah Gexxem Qaddoosen.
Raceyna:- CGTN