Caxah Afteenah Yan Taggese Chaafo Miraacisa Itiyoppiyah Erga Jabuutit Gufte Aben
Addis Ababa, Caxah-Alsak 24, 2012 ILL (FBC) IFDRik Ummattah Awlaytiitih Malah Buxak Caxah Afteenah Yan Gifta Taggese Chaafo Miraacisa Itiyoppiyah Erga Jabuuti Taama Gufne Aben.
Itiyoppiyah Erga Jabuutil Aben Taama Gufne, Tama Baaxok Ciggiila Pirezdantih Yan Macammad Qali Cummad Xayyoose Arcibak Ugut Abak Kinnim Warsen.
Itiyoppiyak Caxah Afteenah Yan Gifta Taggese Chaafo Jabuuti Malah Buxal Geytimak Yab Abe. Tama Yaabal Namma Baaxoh Fanat Yanih Yan Siyaasa, Maddur Kee Sitta Luk Alliyyi Angaarawih Caagiida Ugusaak, Itiyoppiyah Doolat A Angaaraw Akah Diggowannah Tayse Taama Abelem Kassise.
Namma Baaxoh Angaaraw Akah Diggoowannah Itiyoppiyak Ummattah Awlaytiitih Malah Buxa Kee Jabuuti Malah Buxa Sitta Luk Taamittam Faxximtam Qaddoose.
Caxah Afteeni Miraacisah Yan Itiyoppiyah Erga Jabuutil Geytima Kafin Fordal Geytimta Taamah Angagoyya Wagiiten.