Biso-Maxcoh Aben Qokol Ayyunti Itiyoppiyak Biso-Maxco Safar Harigak Xaqut Akak Soolam Qagitaak Tuybulleh Tan Asta Kinni Tama Mikssoyna Qaddosse.
Addis Ababa, Qado Dirri 06, 2012 ILL (FBC) Biso Maxco Missoyna Abeenih Yanin Qokol Ayyunti Itiyoppiya Qimmisseh Tan Biso-Maxco Safar Harigak Elle Faxximtakke Fanah Wadbisoonuh Xaqut Akak Yaniinim Tuybulleh Tan Asta Kinnim Tama Missoyna Qaddosse.
Tama Missoynak Qokol Gaaboysiyyih Makaado Catotta Abteh Tan Dagortih Gadda Gacsen.
1 Biliyoonih Birri Gaaboysoonuh Yibbixeenih Yanin Ikraarol 1.5 Biliyoonih Birri Gaaboysaanam Elle Duuden Tama Gudgudul, Buqreh Xiinaay, Dacarsittoh Xiina, Qunxaaneyta Kee Gaddaloola Isinni Fayrih Edde Yengeleenim Yiysixxigen.
Ta Qokulu Biso-Maxco Fanah Yakke Safaral Missoyna Kee Doolat Gadda Sittak Baxisak Elle Yantiffiqimen Cokdak Exxakteyna Kinnim Kassiisen.
Gaaboyseenih Yanin Culentak 1.3 Biliyon Birri Maaliyyal Geyeenim Kee, 2 Alfi 600 Takkeh Tanim Kaaduk Saqi Acwat Geytimtem Warsen.
Away Abeenih Yanin Culenti Gaaboysiyyih Taddeera Qimbo Ludda Kinnim Kassiisaak, 3 Luddal Akkelem Qaddoosen.