Biso-Maxco Missoynah Adoytiit Inkiino Parkit Gufne Aben

Addis Ababa, Caxah-Alsa 03, 2012 ILL (FBC) Biso-Maxco Missoynah Adoytit Inkiino Parkit Gufne Aben.

Biso-Maxco Missoynak fayya Le Mirocti Taturteh Tan Ayroorah Adaama Magaalal Aydakaakanat Sugeenim Tamixxige.

A Aydakaakanal Baxaabaxsa Le Abtootat Gabat Agle Luk Segte Tama Adoytiiti, Coor Daabisiyya Kee Saytunaane Dacayrih Taama Gabat Agle Luk Sugen.

Adaama Magaalal Aydakaakanat Sugte Ta Missoynah Adoytiiti, Dolat Gasoh Addat Geytima Inkiino Parkit Gufne Aben.

Tama Parkit Gufne abteh Tan Biso-Maxco Missoynak Fayya Le Mirocti, A Parkit Yubleenim Inkih, Loonuh Yanin masuuliyyatal Digga Luk Akah Taamitan Innah Uguugus Keenih Tekkem Qaddoosen.

Boso-Maxco Missoynak Fayya Le Miroctih Aydakaakan Agda Baxissoh Alsak 16 Xabba Haanam Adaama Magaalal Gexisak Sugeenim Tamixxige.

Tama Aydakaakan, A Missoyna EHADEGik Biso-Maxco Missoyna Kee Baaxok Agle Missoyna Fan Tabeenik Lakal Kulli Caddol Geytimta Fayya Mirocti, Biso-Maxco Missoynah Caagiida Kee Mabla Wagittaamal Bicisen Aydakaakanak Sugtem Qaddosen.

Ahak Taturak Agat Caddol Qimmimeh Yan Milaagi Tama Milaagut Arawah Haak, Beyak Geytiman Maaqatta, Geytimteh Tan Xalitte Kee Fooca Fan Boddu Wayta Adafitte, Mirocti Qabutrsi Caddol Inkim Tikka Iyyeenih Taamitoonuh Cato Keenih allelem Yiysixxigen.

Ossetinah, Baaxo Xayloh Milaagi Fayri Arac Akah Xagtannah Sissik Gacsa Yacoonu, Tonnah Fooca Fanah Sissim Radde Elle Yacoonuh Cato keenih Akkelem Warsen.