Biso-Maxco Baaxo Edde Tan Ceyak Tayyaaquh Masuuliyyat Beyte Missoyna Kinni – Naharsi Malak Abiy
Addis Ababa, Caxah-Alsak 26, 2012 ILL (FBC) Biso-Maxco Baaxo Edde Tan Ceyak tayyaaquh Masuuliyyat Beyte Mussoyna Kinnim IFDRik Naharsi Malak Kee Biso Maxco Missoynak Pirezdantih Yan Dr. Abiy Acmad Qaddoose.
Biso-Maxco Missoynak Federal Kee Rakaakay Caddol Mirocti Aydakaakan Caxah-Alsak 17 Sanat 2012 ILL Xabba Haanam Itta Lakleh Tan Ayroorah Addat Acayuk Sugeenim Tamixxige.
Biso Maxco Missoynak Pirezdantih Yan Dr. Abiy Acmad Inkih Tan Agat Caddol Aydakaakanat Sugte Tama Missoynah Miroctih Farmo Tatruse.
Tama Farmol Biso-Maxco Baaxo Edde Tan Ceyak Tayyaaquh Masuuliyyat Beyte Missoyna Kinnim Qaddoose.
EHADEG Kabri Boodoh Amol Sugte Missoynak Sugtem Kassiiseh Yan Tama Missoynah Pirezdanti Dr. Abiy Acmad, Qusba Cayla, Qusba Maqaral Isih Qusba Addah Xissimte Missoyna Kinnim Yescesse.
Away Agat Caddol Qimmimteh Tan Milaagi Taamoomi Meqennal Gexak Geytimtam Kassiise.
Inki Baaxoh Addal Demokraasi Abinal Akah Assannah Madqa Dagah Raaqiyya Yassakaxxen Wak Kinnim Qaddooseh Yan Dr. Abiy, “Madqa Dagah Raaqiyya Tut Qalayli Alle Waytamih Taagah, Madqa Dagah Raaqiyya Abbinal Asisaanam Nek Qimbo Taama Kinni” Axcuk Qaddoose.
Tigray Ummatta Biso-Maxco Qokolta Ummatta Kinni, Takkay Ikkah Biso-Maxco Migaq Akah Bayannah Macaltah Tan Caylitte Tanim Kassiisak, Tigray Ummattak Qadliino Le Tuixxiq Abinal Asisaanam Nek Dirki Kinni Axcuk abeh Yan Yaabal Qaddoose.
Doolat Madqah Caagiidal Uguttah Tan Esseroora Caatih, Cubbit Walalak Yafxigeenim Faxximtam Yiysixxige.
Biso Maxco Mabla Qayxiixinna Sinni Missoyna Kinnim Qaddooseh Yan Dr. Abiy Acmad, “Mangom Kutbeh Tan Alhunitte Lino, Tama Mabla Abinal Asisaanam Faxximta” Axcuk Qaddoose.
Agat Caddol Takku Wayta Dooroh Caagiida Wagsiisak, “Dooro Akah Yibbixen Waktit Akkele, Dooro Demekraasi Kee Salaamah Gaba Akah Kaltannah Inkih Tan Ummatta Masuuliyyat Kinni” ZAxcuk Abeh Yan Yaabal Kassise.
Itiyoppiya Numma Le Federaalizim Elle Abbinoosak Geytiman Baaxo Takkuh, Biso-Maxco Missoyna Digga Luk Taamitelem Qaddoose.
“Biso Maxcoh Ixxiga Kee Numma Ossimta Wak Xalu Kinni, Tama Yamaate Xali Kaaduk Middatal Kusaaqisaanam Faxximtam” Qaddoose.
“Meddemer/Ossimiyyak Ugutma Kee Wadba Sinaamal Abte Mabla Kinni” Iyyeh Yan Tama Missoynah Pirezdanti “Meddemer/Ossimiyyi Nek Gitaay Biso-Maxco Nek Wadba Kinni” Axuk Abeh Yaabal Yiysixxige.
“Meddemer Raat Gita Kinni, Tama Safaral Kaaduk Itiyoppiyah Biso Maxco Diggoosenno” Axcuk Qaddoose.
Rakaakay Yakkeenimil Uguttah Tan Esseroora Biso Maxco Missoyna Rakaakay Esseroora Ugute Waytay Inta Mabla Alle Waytam Qaddooseh Yan Dr. Abiy Acmad, Ummatta Tuxxiiqik Yableenim Faxximtam Yescesse.
A Caagiid Calli Akah Geyannah Walal Kee Kusaq Faxxam Yiysixxige.
Rakaakay Yakkoonuh Aban Macalal Baaxo Akah Addigille Waytannah Sittin Tuixxiiqih Sitta Lih Taamitaanam Faxximtam Qaddoose.
Asqassaabe Karawwadak A Ayyaamih Caagidit Arawah Haak “Irok Geynu Waynah Nan Gaddah Inneh Ninni Baaxoh Kunnabnah Gaba Manaca” Axcuk Abeh Yan Yabaal Yiysixxige.
Ta Karawwad Gexsi Baaxooxa Akah Biyaake Wannah Sittin Tuxxiiqh Kaa Xiseloonum Kassiise.
“Ahak Afal Gaba Akak Kalnam Faxxiimak Sugtem Takkay Ikkah, Taturteemit Nadaamite Kal Away Nibbixeem Cabe Kal Ummatta Tuxxiiqih Taamitnam Nek Faxximta” Axcuk Abeh Yan Yaabal Qaddoose.