Biritaaniyak Qaafiyat Malaak Koroonah Vayres Yibbixe
Addis Ababa, Qado Dirri 02 , 2012 ILL (FBC) Biritaaniyak Qaafiyat Malaakah Tan Naadin Dooris Koroonah Vayres Tet Yibbixem Warsen.
Tama Baaxo Parlaamah Adoytah Tan Tama Malaaka, Teetih Abeenih Yanin Fokkaaqot Koroonah Vayres Teetil Geytimem Kee Away Buxah Addal Dibuk Kattat Teetih Abak Geytimaanam Yiysixxigen.
Dooris Tama Vayres Yibbixeh Yan Parlaamah Adoytiitik Qimbo Sihadayto Kinnim Qaddoosak, Away Tama Baaxol 382 Num Koroonah Vayres Yibbixeh Geytimam Kee 6 Edde Rabeh Yanim Qaddoosen.
62 Karmat Geytimtah Tan Tama Malaaka, Tatre Ayyaamak Xabba Haanam Tet Abbixe Kal Raaqe Waamih Akkah Yanim Warsan.
Takkay Ikkah Tama Udduurah Addat Gexiseenih Yanin Kaabine Daffeynal Magid Yakke Mara Lih Angaaraw Luk Sugteemih Oyti Uxih Kinnih Mawaqqinna.
Tahak Ugut Abak Tama Baaxok Agat Qaafiyatih Affaf Malokti Kee Parlaamah Adoytitik Fokkaaqo Abak Geytimam Warsen.
Engiliz Banki Koroonah Vayres Kataasu Wah Yan Maddur Taqabi Yanukusoonuh Riba Nukusi Abeh Geytimam Qaddoose.
Tama Banki Ahak Afal Luk Suge Ribak 0.75 Ila 0.25 Fanah Addah Heenih Geytimaanam Qaddoosen.