Biritaaniya Ixxiga Boola Le Taama Abeynitih Viisa Ace Waytam Tiysixxige
Addis-Ababa, Caxah-Alsak 11, 2012 ILL (FBC) Biritaaniya Ixxiga Boola Le Tan Taama Abeynitih Viiza Ace Waytam Tiysixxige.
Awroppah Inkiinok Barsimteek Lakal Qusba dabbo Marih Ikraaro Qaddosse.
Tahak Ugut Abak, Biritaaniyah Doolatm, Tamsiisah Yan Mari Addah Tan Taama Abeynit Limol Lon Kibal Cabak, Taama Abeynit Dudda Gablusaanam Kee Awutomeshin TeknolojiFayya Haanam Faxximtaamal Hangi Yeceenih Geytimaanamat Yaaban.
Baaxo Xaylok Angagoyyi Ceelo Farangi Liggidak 2020 Naharsi Kudoh Gaba Kaltiika Lakal, Awroppah Xaylo Takku Gexsi Baaxooxah Xaylo Inki Intit Ken Arcibiselem Qaddoosen.
Takkay Ikkah Leeber Parti/Missoyna Bica Sini Dariifa Missoose Kal, taama Abeynit Kalbi Hargaanam Kaxxam Gidbim Warsen.
Biritaaniyak Baaxoh Addah Malak Piriti Paatel Elle Qaddossennal, Away Qusubih Fiirisen Siraatat Biritaaniya Fanah Taamate Maritteh Meqe Saami Lem Kassisse.
Tama Ikraarol Dabbo Marih Ixxima Aynukusuk, Xalu Le Taama Abeynitih Siirat Abinissonuh Bicat Geytimaanam Qaddosse.
Tama Taamak Ugut Abak, Afa Baaxooxak Biritaaniya Fanah Cultah Tan Taama Abeyniti, Engiliizih Afat Yaabaanah Faxxiimta Taama Mihrat Yalleenim Faxximtam Yescessen.
Raceyna:- BBC