Canka Luddih Gabat Agle Diggose Le Akak Iyyen Fayu Tace Malah Buxah Xisne Aben
Addis Ababa, Caxah Alsa 03, 2012 ILL (FBC) Canka Luddih Gabat Agle Diggose Le Akak Iyyen Fayu Tace Malah Buxah Xisne Aben.
Baaxoh Addak Qidaddo Maysaasal Canka Luddah Hangi Acelem Plan KeeDaddos Komishin Qaddoose.
A Komishin Asaakih Ayro Canka Luddal Tambulle Qidaddo Taqabitte Kee Adafitteh Calli Geysisaanam Elle Duudan Fayu Elle Yacen Makaadoh Xisneh Qaffayda Gexse.
Awayi Waktil, Agat Caddol Qimmiteh Tan Qidaddo Maysaasal Canka Luddih Gabat Agleh hangi Akah Acayuk Taamitak Geytimaanam Plan Kee Daddos Komishinih Komishinerih Yan Doktor Fistum Asefa Qaddose.
A Xayi Udduurih Addat Qaddooseenih yanin, 10 Sanatih Ikraaro, Canka Ludda Meqe Gabat Agle Akah Yallen Innah Abam Yiysixxige.
Tama Gudgudul, Canka Luddak Qidaddo Gabat Agle Diggossa Fayu Abta Makaadoh Xisne Aben.
Tama Fayi Maakdo Gaddaloola, Tellemmo Kee Kalah Tan Baxaabaxsa Le Ayyunti Dagorti Kee Awlaytit Edde Asgalluk 12 Adoyta Le Makaado Kinnim Qaddoosen.
A Makaado, Kulli Uddur Sitta Geyak, A Luddal Tambulle Taqabitte Kee Coocitte Tonnah Ikraaro Kee Poolisi/Taddeera Caagiidil WalalakCallih Takke Mabla Xayyoselon Axcuk Qambaalan.