Baadal Koroonah Vayres Yibbixeh Yan Marih Qadad 300 Alfiika Daga Akkuk 93 Alfi Yakke Mari Qaffotam Duude

Addis Ababa, Qado Dirri 13, 2012 ILL (FBC) Baad Caddol Koroonah Vayres Yibbixe Marih Qadad 300 Alfiik Daga Tatureh Geytimam Qaddioosen.

Away Koroonah Vayresik Gexxaamah Rabteh Tan Maritteh Qadad 13 Alfiik Daga Yekkem Kee 93 Alfiik Daga Yakke Mari Kaaduk Tama Dalkak Qaffootam Duudem Warsan.

Espen Baadal Koroonah Vayres Kaxxam Biyaakeh Akak Iyyen Baaxok Baaxok Teyna Kinnuukm, Aham Fanah 28 Alfih 572 Yakke Mari Ta Vayres Ken Yibbixeh Yanim Kee 1 Alfi 700 Daga Yakke Mari Teetik Edde Rabeh Yanim Qaddoosan.

Espeenil Asaakih Caadah Dibuk 394 Num Koroonah Veyresik Gexxaamah Teetik Edde Rabteh Tanim Warsan.

Tama Baaxol Koroonah Vayres Away Edde Yan Caddok Lafteleemih Bohoy Yanim Qaddoosan.

Tahak Ugut Abak Tama Baaxol Ta Lakimih Kalaluh Baxaabaxsa Le Bicitte Abak Geytiman.

Madriidil Geytima Kaxxa Handag Biyaakita Mara Elle Iraawisan Fanteenah Bicseenih Geytimaanam Yiysixxigen.

5 Alfi 500 Kaqaada Le Ta Elle Suga Hospitaal Awroppah Cadol Kaxxam Nabah Yan Elle Sugah Hospital Kinniimit Yaaban.

300 Yakke Mara 2 Ayroh Addat Tama Fanteena Fanah Akah Culan Innah Abeloonum Warsen.

Awustiraliya Is Le Katuk, Tama Vayresih Fixix Taynukusuh Maqab Buxaaxi, Turub Qarwa, Sinima Buxaaxi Kee Qibaadah Arooca Akah Alfimtannah Abak Baaxo Xaylo Buxak Akah Awqe Waytannah Margaqa Tatrusseh Geytimta.

Biritaaniyal Away Koroonah Vayresit Arawah Anuk Tawqeh Tan Ixxima Tet Cunxusak Geytimtaamak Amakkaquk, Baaxo Xaylo Cubbi Akah Abtannah Abak Geytimta.