Addis Ababa, Qado Dirri 14, 2012 ILL (FBC) Baad Banki Itiyoppiya Edde Anuk 40 Takke Baaxooxa Koroonah Vayresik Keenit Yakke Taqabik Edde Kalalitan 1.7 Biliyoonih Doolarih Qokol Abele Axcuk Qambaalan.

Tama Qokol Itiyoppiya Kee Afghaanistan Edde Anu Tama Baaxooxal Yaafu Wah Yan Maddur Taqabik Edde Koositoonuh Keenih Aban Qokol Kinnim Warsen.

Tama Bankih Dayrokteret Bordi A Ayyaamih Addat Itiyoppiya Kee Afghaanistaanah Yakke Qokolih Alhun Wagiitak Faaticiselon Axcuk Qambaalan.

Tama Qokol Koroonah Vayuresik Ugut Abak Sissik Udduurih Qokol Axcuk A Ayyaamah Faaticisenih Yanin 14 Biliyoonih Doolar Tama Baaxooxah Aceloonum Tama Bankih Pirezdantih Yan Devid Malpos Qaddoose.

Ahak Osetinah Banki Baad Caddok Maaliyyah Sittin Qokoluk Canka Ludda Lih Gacak 24 Takke Baaxooxal Abinal Asisan 1.5 Biliyoonih Birrih Cuggayso Abinal Asisoonuh Bicat Geytimaanam Qaddoosen.