Ayroora Gide Gexisak Sugen Ameerika Kee Taaliban Sittin Gey

Addis Ababa, Caxah-Alsak 25, 2012 ILL (FBC) Ameerika Afghaanistanal Geytimta Taaliban Gaadulet Qaran Maysattaka Abte.

Tama Maysattaka Doonald Tiramp Taaliban Butta Lih Meqe Walal Gexisneh Axcuk Abeh Yan Yaabak Dagoo Saaqootak Lakal Tekkem Warsan.

Gexsi Kabuk, Afghaanistan Salaam Akah Tallennah Ameerika Tatre Sabtih Taaliban Gaadule Lih Sittin Gey Gili Abeeni Sugeenim Tamixxige.

Takkay Ikkah, Taaliban Abteh Tan Sittin Gey Wadirih Cabak Abteh Tan Maysattakat Afgaanistan Qande Edde Rabtem Qaddoosen.

Tahak Ugut Abak, Ameerika Tama Sittin Gey Moggolinna Akak Inte Taaliban Gaadulet Maysattaka Abtem Ameerikah Qandeh Afak Yaabeynak Geytime Oyti Yascasse.

Afgaanistaanal Ameerikah Qandeh Afak Yaabeynah Yan Kolonel Sooni Leeget Ameerika Salaam Sittin Geyih Mangom Macaltem Takkay Ikkah Tama Butta Sittin Gey Aracat He Hayteemih Maysattaka Keenit Abneh Axcuk Yaabe.

Taaliban Butta Tama Afghaanistan Doolat Casbit Tabbixe 5 Alfiik Daga Takke Taaliban Buttah Adoytit Casbik Keenih Ruube Weenim Fanah ABak Sugen Maysattaka Soolise Waanam Yiysixxigenih Sugen.

Afghaanistan Pirezdanti Is Le Katuk Casbit Yan Mara Ruube Waanam Qaddooseh Sugem Tamixxige.