Asaaku Koroonah Vayresit Tibbixsime 2 Num Amaarar Rakaakayal Geytimta -Qaafiyat malak
Addis Ababa, Qado Dirri 21, 2012 ILL (FBC) Asaakih Ayro Koroonah Vayresit Tibbixsimeh Tan 2 Num Amaara Rakaakayal Geytimtam Qaafiyat Malak Qaddoose.
Tama Marittek Qimbo Barra say Num Kinnuuk Dubayal Sugteeh Temeeteh Bahirdar Magaalal Sugte.
2hele Num Kaaduk Ameerikak Yemeeteh Yan Addis Kidamal Guubuh Geytimam Qaafiyat Malaakah Tan Dr. Liya Taddese Qaddosse.
Tama Namma Numuh Taturteh Tan Ayroorah Addat Qaafiyat Kattaatu Keenih Abak Sugeenim Tama Malaak Qaddosse.
Tahat Arawah Anuk Tama Mara Lih Angaaraw Luk Sugteh Tan Maritteh Kattat Abak Geytimaanam Tiysixxige.
Away Ken Nammayah Amaara Rakaakayal Geytima Qaafiyat Hanaawih Fanteenal Kattat Keenih Abak Geytiman.
Away Agat Caddol 19 Yakke Mari Deeliyyi Fanteenal Kattat Keenih Abak Geytimaanam Kee Inki Num Umannah Geytimaamak Ugut Abak, Qaafiyat Hanaawi Akah Abak Geytimaanam Dr. Liya Tiysixxige.
Aham Fanah Ta Vayresit Yibbixsime Namma Num Sinni Baaxo Fanah Yuduureenim Kee 2 Num Kaaduk Tama Biyaakak Qaffooteenih Geytimaanam Dr. Liya Qaddosse.