Ameerikal Abak Geytiman Sadu Kookaxawa Fanah Korak Geytima

Addis Ababa, Laqinik 24, 2012 ILL (FBC) Ameerikal Jorj Filoyden Rabaak Uguttaamah Qimmimeh Yan Sadu Away Kookaxawa Fan Milaagimak Geytima.

Sadi Soolo Ammagguk Geytimtaamak Ugut Abak Away 40 Takke Magaaloolil Saaqat Wasoh Madqa Yeyyeqeenih Geytiman.

Takkay Ikkah Ummatta Tama Madqa Wadirih Cabak Uxih Iyyaanam Saduh Awaquk Geytiman.

Ahak Ugut Abak Mangoh Tan Poliis Makaayin Carriseenih Yaniinim Kee Baxaabaxsa Le Dukaakinit Garqiino Akkuk Geytimtam Warsen.

Newyork, Chigago, Filadelfiya Kee Los Anjeles Magaalolil Sadi Sooloh Yewqe Mara Kee Poliis Fanal Kaxxa Bood Yekkeh Yanim Yiysixxigen.

Filadelfiya Kee Santamonikam Magaaloolil Dukaakinil Garqiino Abah Taybulle Vidiyo Ruubeenih Geytiman.

Pirezdant Doonald Tiramp Is Le Katuk, Madqaak Iroh Makkinaay, Madqa Dacrisa, Akke Waytek Baxsa Le Cayla Siinit Ruubeyyo Axcuk Abeh Yan Yaabal Qaddoose.

Jorj Filoyd Tatre Itleenih Polis Ka Tibbixeek Lakal 1 Polis Adoyti Fillat/Quntit Ibat Kat Abeh Yan Iqtat Rooci Kak Yewqeh Yanim Tamixxige.

TahakUgut Abak Tamahimih Saduk Inkih Tam Ameerikal Tekkeh Tanim Kee Inki Inki Awroppah Baaxooxal Tamahim Sadda Soolo Tekke.

Jorj Filoyid Dirab 20 Doolarat Inki Dukkaanat Qadaaga Abeh Iyyaanamak Ugut Abak Ken Gufeh Yan Telefon Seecok Ugut Abak, Jorj Filoyid Edde Sugeh Yan Makiinak Akah Yawqennah Abak Polis Makiina Fanah Ka Culusoonuh Gibbatu Abak Sugeenim Qaddosen.

Tahak Ugut Abak 46 Karmat Suge Jorj Filoyid Polis Amri Oggole Weh Yanim Polis Oyti Yascasse.

Tohuuk Lakal Polis Adoytit Jorj Filoyid Gaba Silkalot Kak Yexeenik Lakal Gidaarat Xabba Heenih Kaa Yaabisak Sugeenih Yaniimim Warsen.

Dago Minititteek Lakal Chovin Xiqsitah Yan Polis Adoyti Tama Araca Fanah Amaatuk Mango Mango Minitih Gideh Gulubuty Fillat Kaak Edde Yaaqite Vidiyo Qulak Ayyunta Fanah Makseenim Tamixxige.

Tama Uddur Aysabbuk Suge Anay Kak Tabbem Wayya Heeh Ufuy Waytih Rabe.

Tahak Ugut Abak Ka Qideh Yan Derik Chovik Edde Anuk 4 Takke Poliis Adoytit Taamak Diiriyeenim Warsen.

Chovi 3haytoh Caddol Qidiyyio Baatilih Malkit Kal Xayyoosen.

Filoyid BUxah Marih Madqah Goore Is Le Katuk, Polis Adoyti  Tama Qidim ” Ikraarissa Heh Gabah Kaa Qideemih Taagah 1hayto Caddol Qidiyyi Baatilih Malkit Kal Xayyowtam Faxximtam Yescesse.

Tahim Taybulle Vidiyo Yo Gufteh Geytimta Axcuk Qaddoose.

Raceyna:_ BBC