Ameerika, Yamanah Xayyosak Geytimta Adan Baxi Qokolih Taama Sooliselem Qaddosse
Addis Ababa, Caxah-Alsak 17, 2012 ILL (FBC) Cuutih Gaadule Takkeh Tan Taamah Cato Abe Waytek, Ameerika Abak Sugte Qokol Sooliselem Qaddosse.
Ameerikak Bad Caddok Daddos Egla, Cuutih Gaadule Catottah Ruuban Duyyet Adaf Net Yakkeenimik Soole Weenik Qado Dirrih Alsaak Xabba Haanam Adan Baxi Qokol Sooliseloonum Tiysixxige.
Tamna Egla, Yamanak Kilbatti Dariifal Catotta Duyye Akah Angayye Waytannah Dudda Haynaamal Abenno Axcuk Qaddosse.
Yaman Akkuk Geytima Carbit 10 Alfiik Daga Yakke Mari Edde Rabem Kee Miliyoonul Loowimta Ummatta Qulal Addat Geytimta.
Tahak Ugut Abak Galli Maroh Egla, Yamana baadal Kaxxaam Gidbi Adan Baxi Taqabih Addat Geytimta Baaxo axcuk Maybalaalqa Teyyeqe Sugtem Tamixxige.
Tama Baaxol Akkek Geytima Carbiik Gexxaamah 3 Miliyoonuk Daga Yakke Mari Isi Gub Cabak Dabboh Gexeenim Kee Mango Mari Kaaduk Koleerah Biyaakih Gadda Yekkeenih Geytiman.
Ossetinah 5 Sanatah Akkuk Suge Carbit Daggowwa Intek, 2.2 Miliyoonih Alaaqa Maaqiddi Dagiinak Gexxaamah Uma Caddot Geytimaanam Warsen.
Tahat Arawah Anuk, Ameerika Taturteh Tan Sanootah Addat Yamanah 700 Miliyoonih Doolar Innah Takke Qokol Taama AAbak Sogtem Tama Xaagi Yascasse.
Raceyna:- Aljazera