Ameerika Afghanistaanal Le Qande Tayyaaqem Qimmisse

Addis Ababa, Qado Dirri 01, 2012 ILL (FBC) Ameerika Afghaanisataanal Luk Sugte Qande Tayyaaqem Qimmisse.

Ameerika Kee Afghaanistaanal Angayyuk Geytimta Taaliban Butta A Xayi Udduurih Addat Tama Baaxoh Caddol Salaam Bahsiisoonu Elle Duudan Sittin Gey Abeeni Sugeenim Tamixxige.

Tama Walalal Ameerika Tama Baaxol Leh Tan 12 Alfi Takke Qande 8 Alfi 600 Fanah Addah Akah Haytannah Sittin Gey Abte.

Ahak Ugut Abak Ameerika Taynukusem Faxxima Qande Tama Baaxok Tayyaaqem Qimmisse.

10 Ayrook Naharat Ken Nammayih Fanat Yekkeh Tan Walalat Afghaanistaan Doolat Edde Angale Waytem Yiysixxigen.

Fooca Fanah Taaliban Kee Afghaanistan Doolat Tama Baaxok Waar Le Salam Akah Yamaatennah Walal Abelon Axcuk Qambaalan.

Takkay Ikkah Taaliban Afghaanistan Doolata Lih Walal Abtuh Qimboh Casbit Tan Tama Buttah Adoytit Casbik Yayyaqeenim Faxximtam Ascassuk Geytiman.

Afghaanistaan Pirezdantih Yan Ashraf Ghani Is Le Katuk Taaliban Butta Walal Abtuh Qimboh Daffesseh Tan Mabla Oggol Sinnim Qaddoose.

Takkay Ikkah Afghaanistan Doolat 1 Alfi Takke Taaliban Buttah Adoytiitiy Casbit Geytimtah Iyya A Ayyaamih Addat Casbik Rubtuh Bicat Geytimtam Warsen.

Ameerika Afghaanistaanal Salaam Dacayrih Migaaqal Tabbixeh Tan Qandek Aham Fanah 2 Alfi 400 Daga Takke Qandeh Adoytit Teetik Edde Rabtem Yiysixxigen.

Raceyna:- Aljazeera