Agatak Meqem Fayrih Ayyunti Affaafih Qaddoosiyyih Taddeera Gexsen
Addis Ababa, Caxah-Alsak 15, 2012 IILL (FBC) Agatak Meqem Fayrih Ayyunti Affaafih Qaddoosiyyih Taddeera Gexsen.
Tama Taddeerah Aracal Naharsi Malak Dr. Abiy Acmad Edde Anuk Rakaakay Saqolti Kee Magaala Xiinissoh Saqolti Edde Tengeleh Geytimta.
Tama Taddeerat Tangaleh Tan Agat baxaabaxsa Le Dariifak Tewqeh Tan Jaamiqat Kee Mattaabinni Kee Naggaarinni Barittot Dooqaysimte Maritte Edde Angaluk Afrikah Inkiinoh Handagal Gexisak Geytiman.
IFDRik Naharsi Malak Dr. Abiy Acmad Tama Aracal Taruseh Yan Farmol, Meqem Fayri Taama Iyyaanama, Inki Num Isi Wakti Kee Gadda Tabissa Heh Isi Tookoboh Cato Abam Kinni Axcuk Qaddoose.
Qunxaaneyti Ta Abtoh Ittikiyya Iyyeenih, Isinni Baaxo Naharat Haak, Tannal Isinni Ummattah Affaf yaceenimi Kaxxa Saami Kinnim Yescesse.
“Abtaanah Tanin Meqe Taama, Masaaku Kee Mannal Siinih Meklaanam Aaxige Waamaha, Laakin Ayrok Teyna Mekla Edde Geytan Investimenti Taama Kini” Axcuk Yaabe.
Qunxaaneyti Le Ixxiga Kee Maqiddin Ayaaquk Meqe Abtot Yantiffiqimeenim Faxximtam Kassiise.
Qunxaaneyti Kaaduk Ta Taddeerat Baguuk Edde Angaluk Tonnah Geyaanah yanin Ixxiga Ken Manoh Meqem Kee Rakiibo Kinnim Ascabuk Taamitaanam Faxximtam Qaddoose.
Qunxaaneyti Leh Yan Cayla Xalu Le Caagiidat Yantiffiqimeenimi, Abaanah Yanin Taama Cubbit Abaanama, Waktit Yantiffiqimeenim Faxximtam Naharsi Malak Qunxaaneytah Tatruseh Yan Farmol Qaddoose.
Ta Tadderal Isinni Baaxo Itiyoppiya Kiciniih Tonnah Affaf Yaceenimih Fayri Leh Yan Qunxaaneyta Ginoonuh Hadafah Haysitak Abeenem Warsen.
Ta Affaafah 5 Takke Ambasadderitte Doorenim Kee Agat Caddol 116 Yakke Qunxaaneyti Yunkuttubeh Geytima.
Salaam Malak A Ayyaamih Addat Yece Maybalaalaqal, Meqem Fayrih Affaf Tacemi, Doolat Akke Sinni Meqem Fayrih Taamitta Eglaali Lih Gacak Akkelem Yiysixxigen.
Ta Taddeeral 116 Yakke Qunxaaneytay YunkuttubehYanih Iyyak Asaakih Ayro Ta Qaffaydat Angaluk Geytimtam 10 Alfik Daga Yakke Meqem Fayrih Affafih Qunxaaneyta Kinnuk Qimbo Luddal 2 Alsih Gideh Aydakaakan Beyeloonum Qaddoosen.
Tama Qunxaaneyti Meqem Fayrih Affafak Kalah Gexsi Taamat Culan Wak Taamah Abakl Raag Edde Geyeloonum Salaam Malak Yescesse.
Meqem Fayri Taama Abah Yan Qunxaaneyti, Baaxok Baxaabaxsa Le Dariifa Fanah Ken Ruubaanak Dumal Ixxig, Meqem Mariino Kee Dagar Maqarih Aydakaakanitte Keenih Acelon.