Afrikah Daddoosih Banki Addis Ababak Suudan Fanah Gexa Qiyya Baabur Gitih Ikraaroh Qokol Abelem Warse

Addis Ababa, Caxah Alsak 9, 2012 ILL (FBC) Afrikak Daddos Banki Addis Ababak, Suudan Yasgoorowe Baabur Cadid Gitak Dizayin Taama Qokoluh Bicak Gaba Kaleh Geytimam Yiysixxige.

Afrikak Daddos Bankih Prezdantih yan Dr. Akiniwumi Adesena Fana Birodkasting Korporeeti Lih Abe Walalal, Ta Banki Itiyoppiyal Mangoh Tan Dados Taama Qokolak Geytimam Qaddoose.

Ta Bankih Qokolul Xissiimak Geytimta Taamoomik, Addis Ababak nayroobi Gita, Ta Namma Baaxok Tellemmoh Angaaraw Fayya Le Caddol Gabluselemit Kassise.

Itiyoppiya Meqe Xalu Askattabuk Elle Geytimta Qaafiyat Ludda Kee Maaqiddi Siiratih Caagiidil Ta Banki Qokol Abak Geytimam Yiysixxige.

Naharsi Malak Dr. Abiy Acmad Xiinissol Fiirisseh Tan Ikraarol Kaxxam Ruffa Edde Iyyem Kassiiseh Yan Tama Bankih Pirezdanti, ItiyoppiyakXiiron Lafagh Geytimta Buqre Murti Gablusoonuh Takke Angagoyyitte Qoklelem Kassise.

Tama Prezdanti Qagitak Iyyemih, Afrikah Doolatitte, 2063 Ajenda Racat Haytuh Abta Macal Akah Diggoowannah Abeloonum Yiysixxige.

Afrikah Inkiinoh Adoytiitih Tan Baaxooxa, 50 Sanat Abinoosan Ikrarok Agat Daddoosi Lih Taamitaanam Faxximtam Kassise.