Addis Ababak Tiraafik Loysiisih Fanteenah Xisneh Taama Qimmisen
Addis Ababa, Caxah-Alsak 14, 2012 ILL (FBC) 835 Miliyoonih Birri Awqental Xissiima Addis Ababak Tiraafik Loysisih Fanteenah Xisne Taama Qammiseb.
Chaynak Komnikeshin Kee Konistrakshin Egla (CCCC) Xissah Tan Tama Fanteena, Magaala Xiinissok Ciggiila Saqalah Yan Injiner Takkele Umma Asaaku Qaduuk Taama Qimmisise.
Tama Fanteena Tiraafik Oytitte Gaaboysaanah, Tiraafik Kooranak Suga Gide Tiraafik Caagid Wagiitak Elle Loysisaan Fanteena Kinnim Warsen.
Ossetinah KokkobisaGitittek Tirafik Oyta Akah Geyan Innah Abak Fakut tan Gititteh Ascossa Yaceenimi, Kokkobisa Madqak Iroh Tan Abto Aban Wak Ken Kattaanam Elle Duudan Fanteena Kinnim Qaddoosen.
A Cuggayso Taamak Gaba Kalak Affaf Tacem Qimmissa Wak Magaalal Tambulle Tiraafik Ceya Fayya Le Caddol Aynukusele Axcuk Qambaalan.
Tiraafik Loysiisih Fanteenak Ossetinah, Oytitte Elle Kobxisan Fanteena, Batil Kee Qawwalayla Kalalih Oytitte Elle Missoosan Fanteena Kee Kalah Tan Fanteenit Addat Lem Warsen.
A Fanteenah Addal Baxaabaxsa Le Affaafitte Taceh Tan Teknolojitte Kee Rakiibo Daddoosih Taama Akah Kibbimelem Yiysixxigen.
Ta Fanteenah Xisne 18 Alsih Addat Xisnek Gaba Kaleloonum Warsen.
Xayi Udduurak Lakal, Magaalah Addal Dooreenih Yanin Aroocal Mekla Gititte Qimmiselem Tama Aracal Geytimak Yab Abeh Yan Injiner Takkele Umma Qaddoosr.
Tama Mekla Gitittek Geytimta Culentitte Ayyunti Merraytu Yasqussuboonuh Abeloonum Yiysixxige.