Addis Ababah Jaamiqat Dayli Barittol Barisak Suge 209 Takke Barteynit Dooqayse
Addis Ababa, Caxah-Alsak 23, 2012 ILL (FBC) Addis Ababah Jaamiqatak Qaafiyat Saynisih Kollek Qaafiyat Barittol Barisak Suge 209 Barteynit Dooqayse.
Ciggiila Naharsi Malak Gifta Demeke Mokonin, Saynis Kee Fayya Le Barittoh Malaakah Tan Profeser Hirut Weldemariyam Kee Addis Ababah Jaamiqatih Pirezdantih Yan Pirofeser Taasew Weldehana Tama Dooqaysoh Aracal Yengelen.
Profeser Taasew Dooqaysimteh Tan Barteynit Taturteh Tan 6 Sanootah Qaafiyat Baritto Digga Iyyeenih Baritak Gaba Kaleenimih Ukaqiino Farmo Keenih Tatruse.
Barteynit, Meqem Mariinol, Numma Kee Aamantil Isinni Ayyuntah Affaf Yaceenim Faxximtaamih Farmo Tatruse
Ciggiila Naharsi Malak Gifta Demeke Mokonin is Le Kabuk, Qaafiyat Mihrat Mango Masuuliyyat Lem Kassisaak, Gexsi Mihratih Innah Inki Aydakaakan Luddi Gaba Kala Wak Gexsim Ciggiilak Raqtam Qaddoose.
Ta Mihrat Mango Uddur Wakti Caalatal Milaagimak Yamaateemih Taagah, Isinni Ixxigat Antiffiqimuk Tanih Tan Teknolojitte Kee Qasri Caalatal Gexaanam Faxximta Yescesse.