Itiyoppiya Koroonah Vayres Afrikah Madduurul Kataasuwah Yan Taqabih Yaynukuseenim Elle Duudan Qokol Mabla 20 Buttah Baaxooxah Xayyosse

Addis Ababa, Qado Dirri 24, 2012 ILL (FBC) Itiyoppiya Koroonah Vayres Afrikah Qidaddo Biyaakaamak Dumal Kalalitaanam Elle Duudan 3 Ximmo Le Qokol Mabla 20 Buttah Adoytiitih Tan Baaxooxah Xayyosse.

Koroonah Vayres Afrikah Maddur Fayya Le Caddol Biyaakeleemih Bohoy Yanim Tayscasseh Tan Mabla, Baxsa Luk Baad Caddok Tawqeh Tan Tellemmo Caddo Addah Intaamaay, Baad Caddoh ANgaaraw Taqabi Addat Geytimam Kee Safar Kee Turizim Industiril Kaxxa Lem Yasacsse.

Away Afrikah Baaxooxal Bohoy Geytima Maddur Taqabi Baaxooxa Cankah Beytah Tan Maaqatta Kee Poolisi Dibuk Calli Geysissam Akke Waytamih Taagah Tama Taqabik Yawqoonuh Sitta Lih Taamitaanam Faxximtam Qaddoosen.

Naharsi Malaakih Kutbeh Buxak Geyneh Nan Oyti Elle Yascassennal 20 Buttah Baaxooxa Xayi Udduurut Gexissu Wayta Daffeyna 3 Ximmoomay Xayyowteh Tanih Iyyah Hangi Tacem Faxximtam Kassisen.

Tamakkeh Fanak Qiomboh Exxa, Baad Caddol Afrika Koroonah Vayres Edde Kalalitta Sissik Udduurih Qokol Kinni, Tahak Ugut Abak 150 Biliyoonih Doolar Teetih Faxxiimam Kee Maaliyyah Qokol Kaaduk Afa Sharfih Kee Seftinet Taddeera Edde Diggoseloonum Warsen.

Gexsi Ximmoh Tu Gacteki Baad Caddol Afrikah Sissik Qaafiyat Hangi Kinnim Kassiisakl, Ahal Baadak Qaafiyat Egla Afrikah Abta Abta Qokol Fayya Haanamaay, Afrikak Lakimi Kalalu Kee Loysis Fanteena (CDC) Tonnah Eedis, Qaso Kee Labha Dooreh Lakimih Kalaluh Baad Qokol Diggoysaanam Faxximtam Yascasse.

3hele Ximmoh Itiyoppiya Xayyosseh Tanih Iyyah Tu Gacteki, Afrikat Tanih Tan Abud Keenik Akah Duugan Inna Kee Abuuduk Gacsiyyi Uddur Keenih Akah Yayxeeren Innah Essero Edde Xayyoosak, Tahak Ugut Abak Addah Yan Culenta Leh Tan Baaxooxak Abud Riibah Lakqo Keenik Duugaanam Faxximtaamaay, Meklah Uddur Akak Gufte Baaxooxah Kaaduk Ila 10 Sanata Fanah Akah Yayxeeren Innah Axcuk Itiyoppiya Essero Xayyoosse.