Naharsi Malak Kee Jak Ma Innishetiv Keeftah Tan Dayli Alaatitte Kartum Culte

Addis Ababa, Qado Dirri 15, 2012 ILL (FBC) Naharsi Malak Dr. Abiy Acmad Kee Chaynah Gaddilih Yan Jak Ma Sitta Lih Gacak Abeenih Yanin Uguugutul Koroonah Vyares (KOVID 19)Dalka Afrikal Kalalitaanam Elle Duudan Dayli A;laatitte Kee Cato Takkeh Tan Qimbo Luddih Qokol Kimaalih Ayro Qado Dirrik 14, Sanat 2012 ILL Suudaanak Inaytah Tan Kartum Magaala Wadbitteh Geytimta.

Tama Dayli Alaatitte Bahteh Tan Itiyoppiyak Qaran Merrah Eglak Duyye Quukih Tayyaar Kartum Gufte Wak Suudaanal Itiyoppiyah Ambasadderih Yan Shiferaw Jarso Suudaanah Qaafiyat Malaakah Yan Dr. Akram Qaatomuh Tama Dayli Alaatitte Kal Tabse.

Tama Malak Away Koroonah Vayres Kaxxa Cunxot Ne Edde Yabbixeh Yan Udduurut Tama Silaacitte Qimboh Ne Gufteemih Ruffa Ken Haytam Asacassuuk Itiyoppiyah Doolat Abteh Tan Macalah Gadda Gacsa Axcuk Abeh Yan Yaabal Qaddoose.

Ambasadder Shiferaw ShiguteIs Le Katuk, Naharsi Malak Dr. Abiy Acmad Abeh Yan Uguugutul Itiyoppiyah Doolat Kee Ummatta Suudan Ummattay Tonnah Gexsi Afrikah Matarah Aben Macal Kinnih Tanim Warse.

Suudaanah Ruuben Dayli Alaatitteh Qokol Koroonah Vayres Edde Kalalitan Fokkaaqo Edde Aban Silaacay, Af Kee San Edde Buulan Sartan Kee Qaafiyat Mihratleelah Takke Sartanitte Kinnim Yiysixxigen.

Tamaha Lih Tama Qokol Alaatitte, Fooca Fanah Eretiriya, Jabuuti Kee Kalah Tan Afrikah Baaxooxa Fanah Itiyoppiyak Qaran Merrah Eglah Katuk Keen Gudduseloonum Warsen.