Koroonah Vayres Baad Caddol Sissikaanet Kaxxaam Fixiixak Geytima – Dokter Tedros

Addis Ababa, Qado Dirri 14, 2012 ILL (FBC) Koroonah Vayres Baad Caddol Sisikaanet Kaxxaam Fixiixak Geytimam Baadak Qaafiyat Egla Tiysixxige.

Tama Eglak Naharsi DayrekterihYan Dr. Tedros Adcanom Tama Vayres Away Abak Geytima Fixix Wagsiisak Yeceh Yan Maybalaalaqal, Ta Vayres Yibbixe Qimbo Num Edde Yimixxigeh Yan Ayrook Xabba Haanam 100 Alfih Num Ta Vayres Yabbaxuh 67 Ayro Beyu Duudem Qaddoose.

Raqteh Tan 100 Alfi Yakke Mari Ta Vayres 11 Ayroh Addat Ken Yabbaxu Duudem Dr. Tedros Adcanom Qaddoose.

3hele Luddal 100 Alfi Yakke Mari Kaaduk 4 Ayroh Addat Dibuk Ta Vayres Yibbixeh Yanim Kassiise.

Tahak Ugut Abak Tama Vayres Away Uma Caddot Geytimam Yiysixxige.

Dr. Tedros Tama Maybalaalaqal, Koroonah Vayresih Kalaluh 20 Buttah Baaxooxah Mirocti Sitta Lih Akah Tamaitan Innih Seeco Xayyoose.

Koroonah Vayres Away Baad Caddol 350 Alfiik Daga Yakke Mara Yibbixeh Yanim Kee 15 Alfi Yakke Mari Edde Rabeh Yanim Qaddoosen.

100 Alfi Takkeh Tan Maritte Ta Vayresik QaffottehTanim Warsen.