Itiyoppiyak Qaran Merrah Egla 30 Takke Baaxooxa Fanah Abak Sugte Qaran Merrah Affaf Soolisse
Addis Ababa, Qado Dirri 11, 2012 ILL (FBC) Itiyoppiyak Qaran Merrah Egla 30 Takke Baaxooxa Fanah Abak Sugte Merrah Affaf Soolissem Naharsi Malak Dr. Abiy Acmad Qaddoose.
Naharsi Malak Faxe Baaxok Itiyoppiya Fanah Tamaateh Tan Maritte 14 Ayroh Gideh Elle Sugah Iraawoh Fanteenal Akah Sugan Innah Dirki Keenil Abeenim Yiysixxige.
Tamakkel Sugan Uddur Isinnih Xiiqeloonum Qaddoose.
Casbi Buxaaxil Ta Vayres Geytimek Loysiiisih Kaxxa Calway Kinniimih Taagah Alaaqa Leh Tan Sayyo Dago Malkit Leh Iyya Casbik Akah Tawqennah Margaqa Tatruseenim Warse.
Diini Buxaaxi Kaaduk Isinni Diinih Innal Tama Vayresih Kalaluh Cubbi Abak Isnni Margawqa Tatruseloonum Yiysixxige.
Ahak Ossetinah Barti Waaneh Arooca Akak Iyyan Khamri Buxaaxi Affaf Akah Ace Waytannah Abeenim Yiysixxige.
Tama Vayres Itiyoppiyal Geytimeh Yan Ayrooka Lakal Madduurul Fayya Le Caddol Taqabi Kataaseh Yanim Kassiise.
Ceelalloh Itiyoppiyak Qaran Merrah Egla Dibuk Ta Vayresik Gexxaamah 190 Miliyoonih MAeerikah Doolar Khasaariteh Yanim Qaddoose.
Iro Tellemmoh Luddak Baxsa Luk Qoborta Kee Sartan Murti Iro Baaxooxa Oggoltam Duude Wayteemik Ugut Abak Tama Qadaaga Addah Intem Kassiise.
A Sanatih Dooroh Caagiidil Maca Akkeleh Intah Tan Esserol Raddee Yeceh Yan Dr. Abiy Acmad, Dooro Bordi A Caagiidil Kusaq Abak Geytimam Kassiisaak Laakin Le Udduurul Yakkem Aysuk Raqtam Yiysixxige.
Takkay Ikkah Dooro Bordi Xayyosah Yan Kusaaqih Xalul Walalak Margaqa Tatrusenno Axcuk Abeh Yan Yaabal Kassiise.
Koroonah Vayresit Arawah Haak Iro Baaxoh Xaylot Takke Ceelo Wayto Kee Maysattaka Sadah Yanim Qaddoosah Yan Naharsi Malak Dr. Abiy, Ta Vayres Nado Kee Diini Baxse Waamih Taagah Faxe Mara Deelaanam Faxxiime Waytam Qaddoose.
Madqaak Iroh Tellemmo Abtah Tan Maritte Wagisiisak Iyyeemih, Annah Tan Baad Caddoh Taqabitte Boddah Tan Udduura Sihadayti Leh Yanim Kurrasitak Yantiffiqimem Akke Waytek Bukko Abaanam Faxxiime Waytam Yescesse.
Madqaak Iroh Tan Marittet Digga Le Maaqatta Keenil Beyeloonum Naharsi Malak Abeh Yan Yaabal Qaddoose.
Naharsi Malak Elle Yascasseh Yaninnal Koroonah Vayres Yabbixeh Yan Mara Dibuk Elle Iraawisan Fanteenit Rakaakayittel Bicisak Geytimaanam Warse.
Baad Caddok Geytimteh Tan Catottah Caagiida Wagsiisak Addaffakot Abeh Yan Naharsi Malak Dr. Abiy Acmad, Jak Ma Kee Bil end Milinda Getis Fawundeshiniy, Tonnah Kalah Tan Baad Caddok Meqem Abittoh Eglaali Qokol Abak Geytimtam Kassiisaak, Yamaate Caadah Jak Ma Fawundeshin Abteh Tan Fokkaqo Silaac Kee Fooca Kee San Edde Buulan Alaatih Qokoluk Qimboh Exxa Culelem Qaddoose.