Itiyoppiyal 6hele Koroonah Vayres Yibbixe Num Geytime
Addis Ababa, Qado Dirri 08, 2012 ILL (FBC) Itiyoppiyal 6hele Num Koroonah Vayres Yibbixeh Iyya Geytimem Qaddoosen.
Itiyoppiyak Ayyunti Qaafiyatih Inistituyut Addis Ababah Magaalal Koroonah Vayresih Kalaluh Hospitaalitte Kee Hootelitte Lih Taamtak Geytimaanam Yiysixxigen.
Tahak Ugut Abak Qado Dirrih Alsak 7 Sanat 2012 ILL Dubayak Itiyoppiya Fanah Temeete 59 Karmat Geytimta Biritaaniyah Baaxo Baxiinu Leh Tan Dippolomat Hootelik Yeceenih Yanin Ascossal Elle Geytimtah Tan Aracal Dibuk Akah Daffeytannah Abeeni Sugenim Warsen.
Takkay Ikkah Tama Dipplomaat Teetih Abeenih Yanin Laboratoori Fokaaqol Koroonah Vayres Teetit Geytimem Qaafiyat Malaakah Tan Dr. Liya Taddese Qaddosse.
Tama Sihadayto Lih Angaaraw Luk Sugteh Akak Iyyen Maritte Baxisaanam Kee Kattat abaanamih Taama Akkuk Geytimtam Qaddoosen.
Away Tama Sihadaytoh Qaafiyat Kattaatu Teetih Abak Geytimaanam Yiysixxigen.
Qaafiyat Malak Kee Itiyoppiyak Ayyunti Qaafiyatih Inistituyut Ta Vayres Sissikuk Kalalitaanam Elle Duudan Taamoomi Wagittah Tan Dagorti Lih Inki Mogoy Akkuk Taamitak Geytimaanam Yiysixxigen.
Ummatta Kaaduk Ahim Aaxaguk A Caagiidil Wariggite Kal, Sabril A Lakimih Fixix Koositaanamih Taama Inki9h Abtam Faxximtaamih Seeco Xayyoosen.