Nayjeeriyal Gaaz Elle Tatrusan Gitat Yekke Bakaqat 17 Numih Qawwaddi Edde Yewqe
Addis Ababa, Qado Dirri 07, 2012 ILL (FBC) Nayjeeriyal Gaaz Elle Tatrusan Gitat Yekke Bakaqat 17 Num Edde Rabem Warsen.
Tama Bakaq Inki Quuki Makiina Tama Siraglele Mayyaaqah Aracat Sugte Silinderittet Boddeek Lakal Tekkeh Tanim Qaddoosen.
Tama Qawwalaylat Rabteh Tan Marittek Kalah Ossetinah Tama Dariifal Sugte 100 Daga Takke Qarwa Edde Anuk Dukaakin Edde Cararteh Tanim Yiysixxigen.
Tatre Diteli Alsih Addat Tamannah Yan Bakaqat 45 Edde Rabak, 100 Daga Yakke Mari Edde Biyaakiteh Yanim Tamixxige.
Raceyna:- Aljazeera