Awroppah Baaxooxal Koroonah Vayresik Gexxaamah 1 Ayroh Addat Fayya Le Caddoh Rabi Yunkuttube

Addis Ababa, Qado Dirri, 2012 ILL (FBC) Awroppah Baaxooxal Koroonah Vayresik Gexxaamah 1 Ayroh Addat Fayya Le Caddol Rabi Yunkuttubeh Yanim Qaddoosen.

Tama Vayresik Gexxaamah Taaliyaanal 368, Espeenil 97 Tonnah Faransal 29 Num Inki Ayroh Addat Keenik Rabtem Oyti Yasacsse.

Ahak Ossetinah Engiliizil 14 Yakke Mari Edde Rabeh Yanim Kee Amolladih 35 Yakke Mari Tama Vayresit Rabeh Yanim Qaddoosen.

Inkih Tan Awroppah Baaxooxal Baaxo Xayloh Angagoyya Soolisak Tonnah Cudud Dariifal Kaxxa Loysis Abak Tama Vayres Elle Kalalitan Taama Akkuk Geytimtam Warsen.

Mangoh Tan Baxaooxal Baritto Buxaaxi Alfimteh Geytimtam Qaddoosen.

Away Baadak Qaafiyat Egla Koroonah Vayres Baad Dalka Kinnim Qaddooseh Geytima.

Baad Caddol 162 Alfi 687 Num Tama Vayres Yibbixeh Yanim Kee 6 Alfi 65 Num Tama Vayresik Gexxaamah Edde Rabteh Geytimtam Yiysixxigen.

Gabbi Afrika Tama Vayres Baarimak Yemeteemik Amakkaquk Ta Vayres Fayya Le Caddol Taqabi Elle Kataasak Geytima Baaxooxak Tamaate Marittek Cudud Alifteh Geytimtam Qaddoosen.

Tama Baxoh Pirezdantih Yan Siril Ramafosa Agat Caddol Sissik Udduurih Kukta Yeyyeeqeh Geytima.

Tamaha Lih Ruwandal Qibaadah Arooca Kee Baritto Buxaaxi Akah Alfimtannah Abteh Geytimta.