Dr. Mulatu Nabah Yan Asqassaabe Karawwadih Caagiidil Itiyoppiyah Mablah Addaffakot Le Farmo Awroppah Inkiinoh Mirocti Kee Faransah Pirezdantih Gufse
Addis Ababa, Qado Dirri 07, 2012 ILL (FBC) Dumaahi IFDRi Pirezdantih Sugeh Yan Dr. Mulatu Toshome Nabah Yan Itiyoppiyah Asqassaabeh Karawwadih Caagid Wagsiisak Itiyoppiyah Mablak Addaffakot Le Farmo Awroppah Inkiinoh Mirocti Kee Faransah Pirezdantih Gufse.
Dr. Mulatu Toshome Awroppah Inkiinoh Malah Buxak Pirezdantih Yan Charles Mikaelih Ruuben Farmo Kaabine Saqalah Yan Firankos Ruks Kee Awroppah Inkiinoh Komishinih Pirezdanti Ursula Vonder Leyinih Ruuben Farmo Awroppah Inkiinoh Komishinik Ciggiila Pirezdanti Joosef Boorelil Tabse.
Tonnah Faransah Pirezdantih Ruuben Farmo Tama Pirezdantik Afrikah Caagiidal Qakliseynah Yan Firank Paarisil Tabsem Qaddoosen.
Dr. Mulatu Awroppah Inkiino Kee Faransak Fayyale Reedonu Lih Abeh Yan Walalal Masri Kee Suudana Lih Yakkeh Yan Walal Itiyoppiya Inkih Tan Baaxoh Bice Le Mabla Xayyossoh Bicat Geytimtam Qaddoose.
Itiyoppiya Kaxxa Taqabi Katassa Caagiida Hinnaya, Sabab Lee Inkih Tan Baaxooxa Tanfiqeh Tan Leeh Antiffiqimiyyih Taddeera Lemih Addaffakot Keenih Abe.
Itiyoppiya Masri Kee Sudan Lih Farangi Liggidih Loowok 2015 Abteh Tan Sittin Geyik Ugut Abak Xisne Xaqut A Xayi Udduurih Addat Lee Kibtam Elle Dudda Bica Abak Geytimtam Qaddoose.
Ossetinah Itiyoppiya Sidoc Takko Walalay Yakkeh Yanih Iyyak Awqe Waytem Kassiisaak, Baaxoh Addal Ossetina Faxxeemik Ugut Abak A Caagiida Aysaxxaguk Abteh Sugtem Kassiise.