Koroonah Vayres Edde Geytime Afrikah Baaxooxah Qadad 26 Gufe
Addis Ababa, Qado Dirri 06, 2012 ILL (FBC) Afrikal Koroonah Vayres Edde Geytime Baaxooxah Qadad 26 Gufem Qaddoosen.
Ugutma Chaynak Huubeh Rakaakayak Wuhan Magaalak Abeh Yan Koroonah Vayres Baad Baaxooxa Fanah Baaximak Geytima.
Away Tama Vayres 126 Takke Baaxooxa Fanah Culeh Yanim Baadak Qaafiyat Eglah Oyti Yascasse.
Tahak Ugut Abak Afrikah Qaran Gubal Itiyoppiya Edde Anuk 26 Takke Baaxooxa Culeh Yanim Yiysixxigen.
Away Baad Caddol 5 Alfii 300 Daga Yakke Mari Tama Vayresit Rabeenim Kee 142 Alfi 600 Daga Yakke Mari Koroonah Vayres Yibbixeh Geytimam Qaddoosen.
Tamakkeh Fanak Chaynal Dibuk 80 Alfi 844 Yakke Mari Koroonah Vayres Yibbixeh Yanim Kee 3 Alfi 119 Num Edde Rabeh Yanim Warsen.
Tamaha Lih Afrikal Tama Vayres Yibbixeh Yan Marih Qadad 273 Gufeh Yanim Kassiisaak 6 Num Edde Rabeh Yanim Yiysixxigen.
Tama Dalka Chayna Katayak Fayya Le Caddol Biyaakak Geytimah Yan Awroppah Baaxok Taaliyan Kinnuuk Tama Baaxol 1 Alfi 440 Num Tama Vayres Yibbixeh Geytimam Qaddoosen.
Ta Vayres Ayrook Ayro Ossimak Yemeteemik Ugut Abak Mangoh Tan Baaxooxa Baxaabaxsa Le Maaqatta Beyak Geytiman.
Tahak Ugut Abak Inki Inki Baaxooxa Baad Caddok Qaran Merrah Affaf Soolisaanamak Xabba Haanam Baritto Buxaaxi Alifak, Ummatta Mangom Elle Tankatteh Tan Dagar Dig Qalayli Kee Kalah Tan Koboxitte Waaseenih Geytiman.
Ameerika Tama Dalka Kalalittuh 26 Takke Awroppah Baaxooxal Safar Waaso Abak, Tonnah Baaxoh Caddol Sissik Udduurih Kukta Teyyeeqeh Geytimta.
Awroppah Baaxooxak Espeen, Taaliyan Kee Faransa Maaqidda Kee Diwa Xaamiyyaak Iroh Gexsi Angogoyya Akah Abe Wan Innah Abteh Geytiman.
Biritaaniya Kaaduk Karmak 70 Dagah Yan Mari Yamaate Ayyaamak Xabba Haanam Buxak Akah Awqe Waan Innah Abtam Faxxam Tama Baaxok Qaafiyat Malaakih Oyti Yascasse.
Hindi Is Lre Katuk Dippilomaatitte Kee Doolat Reedoonuk Iroh 1 Alsih Gideh Faxe Marah Viiza Ace Waytam Tiysixxige.